常滿雞煲火鍋專門店 (已結業)

身為荃灣人一定要食勻全區美食，晚上最好就係同成班朋友品嚐野味雞煲，深入二陂坊搵到呢間雞煲，點解選擇呢間？因為款式選擇多，有辣有清湯，就到唔同人口味。今次我地４人叫左２個雞煲，第一款是麻辣常滿雞煲，雞件算多，超級野味的香辣感覺，每口都吃得非常刺激，雖然只是叫了小辣，只也等同其他雞煲的中辣。 食得辣中辣既朋友一定唔會放過雞汁，將這款名為心太軟的炸腐皮卷沾上雞汁，外脆內軟完全吸糾雞汁精華，超入味呀！喜歡再香口一點的可以點傳統的腐皮卷，我喜歡沾汁三秒即食，保持香脆口感。見到旁邊有人吃這道梅酒千層肉，我也好奇點了一碟，哇～滾完既豬肉都重可以ｋｅｅｐ到濃濃既梅酒香，豬肉在酒中浸過比較鬆化，值得一讚。 手切肥牛一碟二百幾蚊，價錢中中等等，質量不錯，肉質偏來軟身，牛味濃，脂肪唔算好多，無根好好咬。 最後點左手打四寶丸，最喜歡就係墨魚丸，打到起晒膠非常彈牙，梅菜梅肉丸比較特別，平常都係食肉餅多，而鮮蝦丸就最鮮味，如果唔夠飽重可以加個烏冬結尾，真係唔錯。