東記甜甜店 (已結業)

星期日晏晝同朋友喺西貢去完camp，出返西貢中心食甜品，黎左呢度。我地幾年前黎過一次，印象幾好，所以又食多次。佢地甜品嘅款式真係好多，好多野揀。因為嗰日真係好熱，所以我就叫左個益力多綿綿冰，佢都配幾多料，有椰果、小丸子、珍珠同埋爆爆珠，而且好好食，消暑解渴就最啱了🤗另外有個friend叫左綠茶綿綿冰，就有小丸子、珍珠同埋紅豆。仲有芋圓配唔同嘅糖水。仲有酥皮類甜品。總括而言，呢度勝在選擇多，上次我地就食左榴槤類甜品添。價格方面就適中嘅，始終西貢多遊客，唔可能超平，每人平均$50左右。