聚鳥亭

營業中

休息中

尖沙咀 有不少打邊爐，而朋友講有間叫 聚鳥亭 有雞煲食之餘又有日式湯幾好味，材料都幾新鮮就平日約佢嚟再食過。港式風味雞煲半隻叫了小小辣，等咗大約20分鐘就來到，香料不少勁香，辣度不太辣幾惹味，雞肉幾滑身入味。食完雞煲再轉咗一個日式湯底，日式雞白湯，要煲耐少少先再濃郁不少，味道雞味幾出幾香，帶點甜香幾足料。牛柏葉，煮十幾秒就食得幾爽口。肉就要了2款: 澳洲M5和牛板腱和日式豚肉片，肉的口感幾有咬口不會太淋身，肉味都幾濃。手打墨魚滑，煮熟左勁彈牙，入面有不少墨魚粒好驚喜好味道，菜選擇不少最後叫了皇帝菜，都新鮮。