聚鳥亭

營業中

休息中

係尖沙咀行街時無意中試到呢間性價比十分之高既餐廳，一班朋友除左食放題邊爐/燒肉之外，日式居酒屋風既鍋物都超級適合！環境靜而有日式裝修，希望分享完下次仲有位食到🤪選擇困難症既我就揀左套餐，最抵食有海鮮同肉同主食鍋物湯底有4款選擇，全部都係每日新鮮熬，今次試嘅係豬骨湯，試起上嚟比平時火鍋湯底濃郁，仲有幾粒紅棗杞子，有養生嘅感覺~建議打邊爐前先飲啖湯，湯頭夠鮮無味精。然後就可以按次序海鮮->肉類->蔬菜->主食逐一品嘗。平均來說每樣品項都不錯，有精品食品既感覺。當中最有驚喜既係主食，今次選擇左手打拉麵，麵質煙韌，同湯底十分之夾，濃厚而不膩。仲有小小配菜以及紫菜。十分推介主食要試手工拉麵

由第一啖湯開始就不停充斥着此起彼落嘅嘩～喎～正～ 。食材新鮮程度簡直就新鮮到過份！啲蝦真係好好味！好新鮮！好彈牙！配合店家介紹嘅「日式鯛魚白湯」，再加柚子醋豉油真係天作之合！柚子嘅酸加埋日式豉油嘅淺鹹一啲都冇蓋過海鮮嘅鮮味，反而柚子嘅酸嘅程度令海鮮嘅味道提升咗幾個層次。（因為食材嘅新鮮料汁真係只需要最簡單嘅配搭，只係柚子豉油加少少蔥同埋炸蒜足已） 其他嘅都真係唔唔需要多講。。真係睇相都睇得出嗰種新鮮。 今次老闆請食飯，另一個鍋係濃豬骨湯底，店家介紹一定要用呢個湯底去淥麵話會十分之掛麵喎～ 而呢個湯底都真係正如店家所說好濃郁畫面程度同沾麵有得揮。但如果可以加返少少黑蒜油同埋麻油就真係天衣無縫啦。 （純屬個人口味意見） 呢一間食完一次真係會想食第二次。唔啱！係一定會再食第二次先啱

主打即日海鮮，用拉麵湯底做火鍋湯底的樓上鋪，靚仔店員話可以連湯都飲埋😍，今晚揀咗雞白湯，小妹本身好鍾意食雞白湯拉麵，即使去到日本都特登搵啲有雞白湯嘅拉麵店食返碗😊，從未試過香港嘅火鍋湯底係會有日式雞白湯㗎！湯底一嚟到，等佢水滾後即刻試返一啖先😋真係好好飲！雞白湯清甜、飲到骨膠原，跟番餐牌推薦嘅食法次序「飲湯、海鮮、飲湯、拉麵、飲湯、肉菜」。小妹今日揀咗海鮮拼盤二人餐，飲完頭啖湯，就將拼盤上新鮮的大海蝦、大沙白及生蠔（因貨源問題由鮑魚變成生蠔）逐步滾嚟食☺️，經過海鮮們的「洗禮」後，雞白湯慢慢變得更濃更有鮮味，呢個時候便把武藏野手打拉麵🍜放落邊爐煲，拉麵+海鮮雞白湯+拉麵必有嘅配料（筍、木耳絲、蔥粒、紫菜），真係變咗一碗雞白湯拉麵啊😳，超級好食🤤去到食法次序嘅尾聲，就正式進入平時打邊爐嘅戲肉🤣，「澳洲M4和牛牛頭脊、日本有機雞扒、蔬菜盤」陸續被小妹2人吞食，嘿嘿😁！餐點嚟之前，店員俾咗啲豉油調味料九宮格，不過最尾都好少沾醬食，皆因為湯底實在太好味，根本不需要其他調味料😃《聚鳥亭》環境舒適、服務又好，仲有靚仔店員添😊絕對係一個美好的晚上❣️

今晚想打邊爐，揾左間吾係連鎖店既餐廳試吓！今晚揀咗喺寶勒巷樓上嘅火鍋店！店舖嘅裝修以日式風為主，可能時間上都唔叫做太多人！咁樣仲好，食得比較舒服👻我哋叫咗個二人套餐！侍應送咗碟蕃茄俾我哋食，好好食，係啲漬　物，酸酸甜甜好開胃！主打湯底係雞白湯，濃郁嘅湯底 要飲返夠本先捨得落肉🤣套餐可以揀肉，我哋揀咗澳洲m4和牛頸脊份量都多，濃濃牛味，配上湯底非常好食！另一方肉類，我哋揀咗日本羊肩肉！淥2下就全熟，羊肉吾會太騷！重頭戲就係呢個拼盤海鮮！鮑魚超新鮮同大大隻，上碟啲鮑魚喺仲係會郁🤪蝦同大沙白都係好新鮮 ！蝦肉爽甜同沙白都廿沙，啖啖肉！個套餐有配烏冬，最後將雞白湯淋上去！就變左雞白湯烏冬！

六合彩連續2期5個字一樣，嗱嗱臨喺佢樓下嘅6合辦事處再申請多一張六合博彩飛。唔等下一期派彩啦先上嚟預祝咗先，先使未來錢係努力嘅動力。第一摸上嚟，呢度成幢嘢都係乜乜日式食肆，好似返咗鄉下咁。上到佢嗰層，都係好低調，好似私竇咁。裏便嘅擺設都好清簡，近窗口嗰邊有好景睇，推介。中秋後遺症，都係叫個清清地嘅 日式昆布清湯底。……唔.. 真係幾清，可能真係清湯先至顯得出佢哋嘅真功夫。佢哋個冬菇，雕花得好靚，隻隻冬菇都晶瑩圓滑。睇落真係好賞心悅目。手打墨魚滑，成個網球咁大咁樣present出嚟。日本雞扒，有六粒。好珍貴。其他嘅都好珍貴 …….

這天黃昏,我與好友來到西尖沙咀寶勒巷的一間名為「聚鳥亭」的餐廳,品嘗一頓火鍋晚餐。一進門,店內溫馨而雅緻,透著一股日式風格。我們迫不及待地坐下,迫不及待地探索這裡的美味佳餚。首先,我們點了一份日式昆布清湯火鍋底,清澈透亮的湯頭帶有淡淡的海洋氣息,讓人食慾大開。緊接著,我們點了澳洲M4和牛前胸肉和板腱,肉質細嫩多汁,入口即化。還有日式豚肉片,肥瘦適中,充滿香氣。除了肉類,我們還嘗試了手打墨魚滑和超大蟹棒,份量十足,讓火鍋更添風味。最後,我們點了生菜和香菇貢丸,為整個就餐增添了清新和滋味。整個用餐過程歡愉不已,朋友與我暢聊不斷,火鍋的熱氣迷漫在空氣中,營造出一種溫馨的氛圍。離開時,我們都流露出滿足的神情,相約下次再來品嘗這家店的其他美味。

樓上餐廳 日系裝修設有梳化卡位 座位寬倘舒適每枱一個gas爐就咁睇店名 以為專門食雞既日本料理因為係日本會稱呼雞做鳥不過原來呢到係食日本火鍋有4款火鍋湯底選擇標榜冇味精 日日用6個鐘熬製鮮味湯底我地揀左雞白湯 $138/鍋呢到既雞白湯頭係淺黃色 加左紅棗店員提醒可以係開始打邊爐前直接飲幾啖湯養身感覺火煱配料有海鮮 肉類 蔬菜 丸類 粉面飯日本豚肉片 $128大約12塊薄切豚肉片豚肉片連少量軟骨金針菇 $48份量充足大概係平時超市整包份量手打蝦滑 $68此為餐牌特別推介原本想食同為推介既手打墨魚滑可惜當日唔供應蝦滑以整個拳頭大既丸狀上枱配有小木匙 由自己切割蝦滑呢到生既手打蝦滑質地偏硬身煮熟後 蝦滑有彈性武藏野手打拉面 $68用日式三宮格擺放拉面 紫菜 嗚門片好精美揀雞白湯底就係為左最後食呢個拉面將手打拉面大約煮2分半鐘拉面吸收左雞白湯既靈魂入口順滑 面質有口感

最近見到呢間主打上好湯底嘅火鍋店，放工再過嚟試吓醬料選擇都好多，有薑燒、老抽同埋柚子醬油✨海鮮拼盤二人餐 $688✨雞白湯 所有湯底都經過六個鐘頭以上嘅精心烹調，好清甜完全冇味精，老細都話喺度拉麵🍜標準去調製，建議飲咗先，真心個湯絕對驚艷到我😋平時打邊爐湯底都係比較清甜薄身，但今次呢個入味之餘仲啖啖骨膠原，淥埋海鮮之後湯底更加衝擊味蕾✨澳洲M4和牛牛前胸肉牛肉好夠味，肉質鮮嫩，雖然冇日本和牛咁入口即溶，但澳洲和牛性價比好高✨✨日本豚肉片份量好多，薄切豚肉口感啱啱好！✨海鮮拼盤大海蝦、大沙白、鮑魚10隻海蝦都好清甜好彈牙，沙白好乾淨完全冇沙！最驚喜一定係鮑魚🥹大大隻鮑魚超級彈牙🤌🏻👍🏻絕對係超級高質嘅海鮮✨蔬菜籃🥬有金菇、雜菇、冬瓜、粟米、西洋菜同埋生菜等蔬菜好新鮮，味道清甜，而且份量好足👍🏻個人最鍾意嘅係粟米🌽打邊爐嘅粟米吸晒湯底嘅精華超級鮮甜！✨烏冬擺盤精美嘅手打烏冬，配吸哂湯汁嘅腐皮，簡直係一流🥹✨總括嚟講係近期食過最高質嘅打邊爐！食材絕對係對得住價錢有突，有機會一定會同朋友再嚟食🙌🏻

話說上星期慶祝朋友生日～🎉第一次到訪呢間位於尖沙咀寶勒巷既「聚鳥亭」🎏餐廳行日本居酒屋風格🏮平日去環境清幽感覺真係係日本一樣餐廳係主打海鮮火鍋套餐當晚試咗特級海鮮拼盤二人用結果係超級有驚喜的一餐先選好套餐再選喜歡的湯底我哋揀咗餐廳推介嘅鯛魚湯貪心嘅我哋試埋地獄版店員超級好人想我哋都試到原味就另外俾咗一碗我哋試湯底濃郁，不過私心鍾意地獄版多啲主食都有兩盤肉啱晒食肉獸海鮮拼盤同埋蔬菜盤就一定唔小得超級～新鮮啊！！好值得推介✨下次會期待同朋友試更高Level嘅套餐捧腹而回，物超所值

🇭🇰今天在尖沙咀跟朋友聚會，原本只是想隨便找個地方吃點東西，結果就在街上溜達時無意中看到這家聚鳥亭的餐牌😍感覺有種濃厚的日本酒場風格，立刻就想進去試試！✨🔥餐廳里的氛圍超級有日式風情，聽說這裡是由前五星級酒店大廚主力湯底😚我們立刻點了一個雞白湯湯底，這湯底煮得特別濃郁，喝一口就能感受到那種溫暖的滋味，完全是大廚的心意之作💗店員更加推薦下菜前先品嘗一下湯，之後加上海鮮的話更有另一翻味道~ 真的要試試呢😋澳洲M4和牛牛頸脊的質地嫩滑，真的是一口接一口停不下來✨和湯底的搭配也是剛剛好～ 除了牛肉之外也點了武藏野手打烏冬，這麵條有彈性，吃起來非常有嚼勁，和湯底融合得非常好，每一口都能感受到滿滿的幸福感😍▪️聚鳥亭📍尖沙咀寶勒巷10號8樓#香港美食 #餐廳推薦 #餐廳打卡#香港探店#香港美食#香港旅遊#香港攻略#香港手信#香港去哪玩

在尖沙咀午膳，要找4人座位舒適，環境乾淨，性價比高，日式燒肉套餐，可以試這間聚鳥亭。因店家是新設午餐時段，所以人比較少。店員貓小姐，十分有禮貌，我本來想試牛舌，但無貨，試了日本北海道豚肉套餐，友人試和牛漢堡，有蟹子青瓜沙律，好新鮮，温泉蛋撈飯，加燒肉汁，飯素，紫菜芝麻，已是一絕，平常我是不食飯嘅都食一大碗。豚肉份量好似有8片，肉質都好高質，之後每人再來一碗沙律，超滿足。店員仲送我們每人一杯清酒。Girls talk由1：00坐到2：30，店員話可以坐到3時，每人都係$98，在尖沙咀區，日式燒肉套，仲不限時，好招待，簡直係超值。

由於今晚睇波注定食營多，early dinner 就去咗唔收邊爐醬料費嘅<聚鳥亭>打個輕邊爐😋餐廳提供3種醬油，其中，最特別嘅係薑燒醬油，陣薑味好易入口🤗揀咗日式昆布海帶湯，成個湯好清澈，海帶好厚身🫶🏻台山蠔大大隻，好甜，煮到中間熱曬，size 都冇縮🤩白鱔好脆口，魚脂香唔少得😍嚟到火鍋專門店（<聚鳥亭>除咗專打邊爐，亦有雞煲嗌），食材要揀靚嘅❗️揀咗澳洲M4和牛板腱，牛肉味又濃又香🉐下次食 heavy dinner，再試<聚鳥亭>更多美食😆📌聚鳥亭 📍尖沙咀寶勒巷10號8樓

尖沙咀零負評海鮮火鍋 主打用6小時熬製拉麵湯底 海鮮和牛打邊佬 餐廳仲開到凌晨三點（需提早預訂位置） 店內有多部電視 可以一邊食一邊睇球賽LIVE 吸引我去試試最平$688起.呢次試試2人特級海鮮拼盤套餐$1088openrice訂座會平d $870 湯底係佢地重點 經過6小時熬製 完全冇落味精有柴魚昆布清湯 豬骨濃湯 雞白湯 鯛魚湯呢次試試⭐️雞白湯 可以先飲一碗湯底本身已經好鮮 幾濃雞香味 .建議先煮海鮮 湯底會吸收哂海鮮精華海鮮拼盤有（大海蝦、大沙白、鮑魚、台山蠔、白鱔）⭐️海蝦新鮮 已經串好 爽彈 ⭐️沙白大粒鮮甜冇沙 ⭐️鮑魚 ⭐️生蠔都好大隻之後再加入拉麵 烏冬 白飯煮完海鮮湯底鮮甜味再上一層次最後打邊爐一定唔小得牛肉⭐️澳洲M4和牛牛板腱 ⭐️日本豚肉片⭐️蔬菜籃 ⭐️手打蝦滑 或墨魚滑.最後甜品係原個蘋果雪葩 大滿足.#hkfunfoodrecord窮遊香港#hkfunfoodrecord_尖沙咀.#聚鳥亭 (尖沙咀)地址：尖沙咀寶勒巷10號8樓開放時間：全年無休，11am 至 10pm, 提早訂位可彈性安排開放至3am .（記住分享比朋友 追蹤/like 感謝你哋支持🙏🏻）

今日預約咗一間樓上舖，食日式火鍋晚餐，呢度有好多款日式火煱唔同味道嘅湯底可以選擇，今日兩個人食，我哋揀咗「柴魚昆布清湯」，湯底味道好清新，有柴魚嘅鮮味，再加上昆布嘅味道，感覺唔會燥熱，係一款比較健康嘅火鍋。食材方面，因為得兩個人，所以揀咗幾款配料試一試，其中一款「M4澳洲和牛牛頸脊」好值得推介，牛肉充滿牛嘅鮮味，而且好香、好滑，冇牙都食得到。另外仲有「手打牛丸」，牛丸調味得相當適合，唔會蓋過牛肉嘅鮮味，牛丸入面充滿肉汁，好好味，下次嚟一定要encore。另外仲有「手打墨魚滑」，墨魚滑入面係有一粒粒爽口嘅墨魚粒，感覺好特別，好好味。呢度嘅食材，唔會太大碟，好適合人少少嚟食火鍋，唔怕食唔晒，又可以揀多幾款唔同口味，情侶拍拖嚟食，都非常適合。環境氣氛亦都相當好，裝修充滿日式風味，天花板掛咗好多彩色燈罩，好特別，又好舒服。店入面座位唔多，靜靜地，好適合一班朋友聚會，傾吓偈，舒舒服服咁慢慢食，而且食物質素好高，價錢相對合理。

去到「聚鳥亭」首先感受到的是職員的誠懇待客。進門時,店員立即以親切的態度招呼我們,為我們引路到位置坐下。整間店的裝潢都散發出一股溫馨舒適的感覺,給人一種身處日式小酒館的feel。美食方面,他們的湯底實在是出色。日式雞白湯濃郁鮮美,湯頭清甜可口,手打丸子拼盤五彩繽紛,每一款都有獨特的口感和風味,尤其是那個以鮮蝦為餡料的丸嚼勁十足,鮮甜可口。接下來的海鮮拼盤亦叫人驚喜。fresh到不行的海蝦、蜆肉和蟶子,每一件都是極其新鮮,入口瑩潤彈牙,完全感受到食材的優質。最後,他們的手打烏冬也非常出色,麵條Q彈有勁,沾上店家特製的醬汁後,更是回味無窮。總的來說,餐廳無論在氛圍、服務還是美食方面,都給人一種溫暖舒適的感覺。這裡絕對是尖沙咀一處值得一試的日式居酒屋!