蚊蚊豬老火鍋 (已結業)

平時食放題，一係就日式放題，一係就火鍋放題，今次再光臨蚊蚊豬，刺身火鍋，不同湯底選擇又多咗。今日就試新嘢，先來一個藥膳魚頭鍋，再跟一個刺身拼盤，鮑魚，北寄貝，甜蝦，墨魚，三文魚，夠新鮮。魚頭煲藥材用了十足。再嚟一個麻辣雞煲，中辣啱啱好，芫荽洋蔥配料十足，麻辣平均。每樣都分量十足，其實飽咗一半，跟住就再放湯，打邊爐，佢哋會先送一個安格斯牛肉拼盤， 有晒不同部位，正！ 粟米鵝腸，所有配料都新鮮，朋友仲跟住叫咗四隻炸饅頭，有驚喜，饅頭炸得啱啱好金黃色。飲品方面都是啤酒汽水任飲，唔鍾意食魚頭的朋友，其實仲有好多唔同鍋底選擇，睇吓個Menu就知道。