高流灣海鮮火鍋 (已搬遷) 新店位置

今日是姨甥仔第一次正式出糧,所以邀請我們一起食飯.早前姨甥仔和同事去過高流灣宵夜,覺得食物唔錯,所以選擇這間火鍋店,姐姐早一日前訂枱和訂定一條魚刺身,為食嘅我非常期待. 店鋪門口並不起眼,幸好有位女待應在樓梯口帶位,由於我地巳經定枱,所以不用等候女待應便指示我們由旁邊巷尾坐上三樓,門一開巳有位男待應歡迎你,我們六人被安排坐在一房間內,獨立房間環境舒適簡潔有電視.食物方面:鴛鴦湯底:海底椰拼麻辣湯底,味道濃郁,但未必合小朋友口味.手切雪花肥牛:有牛肉味香滑又淋.魚三角:好滑好少骨好好食.豬黃喉:爽脆好味.水上飄:實則係蚧子蝦膠魚肚,爽口好味.桶蠔:大大隻,鮮味.招牌墨魚丸:彈牙爽口,但可能唔加蚧子更好.嘩鬼蝦條:蝦膠少,油炸鬼太硬,如果叫咗水上飄就可以唔叫這個.雲吞:包住大大隻蝦,但我個人唔鍾意,因為有少少皂水味.皇帝菜和本地生菜新鮮,烏冬彈牙,但芝士腸唔好食.我最愛係活魚刺 身,上枱時魚還會郁,魚骨之後會椒鹽,香脆可口.總括價錢較貴,最好10点後去,因為有折.