素菲亞 (安發大廈) (已結業)

前排去西環做嘢，同朋友去咗呢間純素餐廳Sofia，午餐嚟食嘅選擇都好多。我唔係素食者只係偶爾食清淡，但同店員傾偈之後明白佢哋會好配合素食者嘅需要。鹽酥雞意大利飯 $118朋友一開始唔記得呢間係素食餐廳，仲話啲雞好正！其實只係素雞，但係我都覺得幾似真嘅雞喎！個飯都幾creamy，又唔會太鹹。呢個係午市套餐，仲有餐湯同沙律。今日嘅湯係雜菜湯，酸酸甜甜味道適中，菜都幾多好做料。鬼馬肉醬意粉 $98用咗OmiPork好鬼馬，素肉醬食落去同平時啲肉醬意粉冇咩分別。新鮮嘅蕃茄令到味道更加豐富。呢個就加$18就有餐湯。鮮果奇趣杯 (+$28)喺用大菜糕做嘅火龍果啫喱，撈埋椰汁幾爽口。店員話椰汁唔夠可以再加添！青檸荔枝梳打 (+$24)有兩粒荔枝可以食埋，抵！佢哋好環保冇提供飲管嘅，我一開始以為之匙羹係飲管吸咗幾下，笑死。無糖茉莉花茶無糖茶夠健康！茶嘅味道都唔會好淡。