元札幌拉麵 (宇晴軒商場) (已結業)

Dinner想食🍜，但男朋友想食🍚就來左呢間超多選擇嘅元札幌拉麵🥰好得意嘅係～佢地menu係用松，梅，竹，菊來代表唔同類別😆唔同價錢有三款自選套餐我地就點左$1️⃣9️⃣8️⃣嘅套餐四類都有齊，幾扺食👍🏻小店仲送左兩個口罩比我地，好貼心🥰（松）北海道櫻花蝦拉麵湯底夠清，唔會好重味精味，帶一點櫻花蝦香味。溏心蛋做得剛剛好，有半熟效果👍🏻 麵底份量多，麵身有咬口👍🏻 正常水準嘅一碗拉麵。（梅）串燒雞翼 雞翼外表燒得香脆，支啲檸檬汁再沈少少七味粉令味道更加提升🤩（竹）炒魷魚鬚魷魚鬚炒得入味，加左啲炸蒜係上面，非常惹味😋（菊）滑蛋吉列豬扒飯 豬扒飯份量多。吉列豬扒配滑蛋永遠都係完美嘅組合😍 佢地啲滑蛋加咗個菇同洋蔥，食落口感更加豐富。