影片
更多
2022-07-08
2302 瀏覽
➖ 凍海鮮｜龍蝦·青口·翡翠螺·麵包蟹食波龍一向鍾意橙膏多啲好彩比我夾到唯一既橙膏(啲橙膏好搶手，出左幾次都係得返綠膏)，龍蝦膏香濃肉質彈牙不過朋友覺得呢啲係靭。青口比較細隻無咩肉。翡翠螺爽口無沙。麵包蟹鉗都仲食到小小鮮甜，但好難拆殼因為佢比左把大閘蟹既蟹剪我。呢到既凍海鮮整體都幾好，唔會凍到冰咁放出黎同埋個調味幾好幾入味，好多buffet既凍海鮮唔係淡而無味就係勁鹹➖ 生蠔·泰式生蝦呢到做即開蠔共兩款Fine De Bretagne同Irish Rock，兩款蠔都好細隻帶海水味，兩者食落分別不大係有一款口感較爽。生蝦無出面食泰國野果啲咁好食但都爽口彈牙，我覺得個差距在於個泰醬➖ 刺身｜三文魚·油甘魚·帶子刺身淨係試左呢三款其餘既仲有八爪魚、鯛魚同埋希靈魚。三文魚正常發揮都好難唔好食。油甘魚同平時出面食既，呢個好瘦肉質感覺好實好唔肥美，應該係部位既問題。帶子鮮甜都算大粒。刺身有個投訴位，拎第二轉既油甘魚未解凍中間個位仲係冰硬，切果個一定知但咁都照出比個客➖ 燒牛肋骨·燒羊仔髀·香煎鴨肝多士· 釀蟹蓋牛肋骨紅色果啲位好嫩幾好食，但全熟果啲邊位就有啲嚡。羊仔髀小小淋有啲咬口同埋唔太羶唔錯的
食波龍一向鍾意橙膏多啲好彩比我夾到唯一既橙膏(啲橙膏好搶手，出左幾次都係得返綠膏)，龍蝦膏香濃肉質彈牙不過朋友覺得呢啲係靭。青口比較細隻無咩肉。翡翠螺爽口無沙。麵包蟹鉗都仲食到小小鮮甜，但好難拆殼因為佢比左把大閘蟹既蟹剪我。呢到既凍海鮮整體都幾好，唔會凍到冰咁放出黎同埋個調味幾好幾入味，好多buffet既凍海鮮唔係淡而無味就係勁鹹
➖ 生蠔·泰式生蝦
呢到做即開蠔共兩款Fine De Bretagne同Irish Rock，兩款蠔都好細隻帶海水味，兩者食落分別不大係有一款口感較爽。生蝦無出面食泰國野果啲咁好食但都爽口彈牙，我覺得個差距在於個泰醬
➖ 刺身｜三文魚·油甘魚·帶子
刺身淨係試左呢三款其餘既仲有八爪魚、鯛魚同埋希靈魚。三文魚正常發揮都好難唔好食。油甘魚同平時出面食既，呢個好瘦肉質感覺好實好唔肥美，應該係部位既問題。帶子鮮甜都算大粒。刺身有個投訴位，拎第二轉既油甘魚未解凍中間個位仲係冰硬，切果個一定知但咁都照出比個客
➖ 燒牛肋骨·燒羊仔髀·香煎鴨肝多士· 釀蟹蓋
牛肋骨紅色果啲位好嫩幾好食，但全熟果啲邊位就有啲嚡。羊仔髀小小淋有啲咬口同埋唔太羶唔錯的。鴨肝即煎好香口好淋但要排耐小小隊。釀蟹蓋無咩特別但覺得幾有誠意入邊有蟹肉絲同蝦肉粒，平時出面果啲多數都係忌廉沙律醬加啲洋蔥蟹柳咁
➖ 冷盤
呢到4款芝士都係淡味款餸酒都還可以接受，但如果可以有一款濃味既會好啲。Ham食落感覺好年輕唔係好夠味同口感
🪧 都食過十幾間buffet呢間香港黎講都算多野食而大部分都好食。今晚都係主力海鮮類多，好多熟食同頭盤類都無試到因為實在無位了
61 瀏覽
0 讚好
0 留言
38 瀏覽
0 讚好
0 留言
42 瀏覽
0 讚好
0 留言
35 瀏覽
0 讚好
0 留言
21 瀏覽
0 讚好
0 留言
張貼
