城寨風味 (已搬遷) 新店位置

約左成班舊同事聚舊, 揀左城寨風味. 雖然劇集播完, 但唔知點解仲好想黎做一下城寨英雄, 哈哈! 環境闊落, 大圍人坐無問題,  裝修用石磚佈置, 夠懷舊貼題.呢度菜式以廣東菜為主, 而且仲有特式餐前小吃, 要左款椒鹽金菇, 炸得好香口, 脆脆地, 又唔會太油膩. 淡淡既椒鹽唔會太搶味, 食完好開胃.另外有西檸煎肉排, 檸味唔會太濃, 酸酸甜甜, 精盈通透. 肉排嫩滑, 帶少少脂肪, 特別軟腍. 而呢度仲有私房菜, 下次成班人可以再試下.