城寨風味 (已搬遷) 新店位置

三兩知己欲一面欣賞美食，一面暢談，又或親朋戚友成羣的聚會，城寨風味是我的首選。由南角道遷址到九龍城廣場，酒樓仍然保留精緻的佈置和舒適的座位， 由於座位充足，所以沒有時間的限制，可以輕輕鬆鬆沒有壓力的去享受。食材和菜式方面，都是經過嚴格的精挑細選，招牌菜包括即燒乳豬、糯米蒸糕蟹和胡椒燒鴨等，都是火喉夠鑊氣足的，而特別介紹鳯舞手撕雞、東方之珠和不是粟米，不單色香味全，更是廚師用心做出來的「藝術傑炸」，就算是咕嚕肉、滷水豬仔腳、煎蛋或豆腐這些一般的家常菜，也做出不一般的味道！

大家以為佢既乳豬同一般茶樓既燒腩仔差唔多，就錯晒啦！佢地既師傅勁好心機，會切走係脆皮同肉中間大部份既脂肪肥膏，食多件都唔使擔心肥幾磅，要食呢款手工脆皮豬，千奇唔好肚餓到爆時去食，因為師傅要時間切，美食係要耐心等待既。除左脆皮乳豬，另一款must order item就係啫啫芥蘭煲，芥蘭唔係咁容易handle，佢地既芥蘭超脆口，配上啫啫汁，用煲仔飯style上枱，d芥蘭送到黎仲係熱騰騰，店員仲會幫你搞下佢唔怕痴底，煲仔發出既芝芝聲配埋熱騰騰既香氣，真係未食就流晒口水😋

九龍城算是舊區飲食天堂，包羅萬有，以泰國菜為最多，大部分是小店經營，廣東菜反而比較少。今天朋友介紹，專誠到訪一嘗美食。坐下看完菜牌，猛多想吃的東西，猶豫不決之際，部長過來介紹特價套餐：龍蝦伊麵加即燒乳豬，盛惠$498，保證一定好吃。既然這樣，那就照單全收。先來上湯龍蝦伊麵底：香氣四溢，蝦肉爽口，撲上薄薄湯汁，帶出鲜味，配上伊麵，一口不留！跟著炭燒乳豬上場。第一口感就是似吃餅乾，薄薄而鬆化脆口，全不帶肥，肉質嫩滑。幾經打聽，原來是用了越南來的四斤重乳豬，相比兩星期前嘗過的天下第一豬，更上一層樓，真是一豬還有一豬高！

六月份係叉燒妹和阿二佬既生日月，首先當然係慶祝左阿二佬嘅生日先。七大兩細一行九人預早訂位，片皮鴨、乳豬、響螺湯、翅湯和豉油王大蝦都是預先訂好的。之前食過好幾次，菜式出眾深入民心，所以今次亦想介紹比對食物嚴謹的媽子，希望過到佢嗰關。 首先來個烏雞響螺湯，開頭訂位訂湯時夥計沒有特別說明，原來燉湯是以每一位起計，所以這個湯要是非常出眾才能解釋到佢嘅價格。一大鍋湯絕對足夠九位或以上分，一大碟湯料絕非求期，響螺份量夠，看似大量豬肉和原隻烏雞，這一部份合格。另外鋪面湯油已經處理過，所以沒有多餘的湯油，大家都看得津津有味。過關。 之後到竹笙翅，雖然不是排翅但是份量好夠，只是竹笙已經切件，如果可以原條上會更加有口感。味道亦都合格，以紅燒翅來說冇投訴，訂位時夥計說是四至五人份，個人覺得絕對足夠九人或以上。湯渣實在太多，所以阿媽子決定那回家和小狗分享，本人絕對支持不浪費。 跟住到脆皮乳豬，所有人都對此非常讚，皮和肉是分開，因為他們已把中間的肥膏已處理過，所以食起來是不會太油膩，小朋友覺得特別脆，大人也很喜歡，以九人來說半隻份量絕對足夠。阿媽子當然不放過豬頭和豬腳，帶回家給小黃和細黑分享。 片皮鴨出品

幾年前食過一次印象幾好，今次朋友請我們來再食過，這裏有代客泊車，揸車來好方便。 當晚我們點了的菜式有椒鹽豆腐， 米蘭野菌焗帶子， 招牌即燒乳豬， 芥末蝦球， 啫啫芥蘭煲，砂鍋鮑粒瑤柱炒飯， 最後還有紅豆沙做糖水。椒鹽豆腐外層脆卜卜，入面好滑。米蘭野菌焗帶子， 野菌做得夠乾身， 上菜的時候很香， 帶子比較細粒但好鮮甜。招牌即燒乳豬， 果然是招牌菜， 乳豬皮做得好香脆， 肥瘦適中， 肉汁豐富。芥末蝦球， 啖啖肉的蝦球非常好味。啫啫芥蘭煲， 火喉十足，食到有肉粒的鹹香味，十分惹味。砂鍋鮑汁瑤柱炒飯， 質感有少少濕， 味道調教得很適中。最後還有紅豆沙做飯後甜品， 甜度適中， 入口香甜。平時到九龍城好多時只記得吃泰國菜， 其實城寨風味的中菜也很有水準，雖然價位不算太平，但菜式保持質素。

之前已經食過一次，今次提早一日食母親節飯， 鋪頭特別印咗母親節Menu，同之前睇嘅餐牌價錢應該係每樣都貴左＄20-30 。層皮脆卜卜， 食落無肥膩嘅感覺。我幾中意食呢個豪餅，啲豪份量多而且大大粒黃金蝦分量幾多， 不過今次食覺得咸蛋黃味唔夠重。中意食乳鴿嘅人可以試一試。魚翅的份量唔算少不過個底攝咗好多芽菜，味道係幾好， 個日要$88 ，平時應該唔駛。 鮑汁炒飯比較喊，冇咩特別， 大家可以試第二款個人好鍾意食菇類， 不過我覺得呢款嘅香草味重左少少。

星期六忙完一整日既工作，趕得上黎同屋企人食個久違既晚飯，提議左食呢間都有一段時間，但餐廳對出既車位成日都滿，始終個條街前前後後都係唔同既餐廳。經過見到有位泊，而且今晚大家胃口一致，或者大家食得多PIZZA意粉都偏好食番中餐中和番，始終感覺無甘膩滯，就揀左城寨風味。一入門口，已經有兩個人招呼我地，又斟水又同我地講好彩，因為星期六日都會提早預訂留位，而今晚樓上只係得番一張卡位！(我地大概6點半左加到，成間餐廳我地係第一檯，之後7點就陸陸續續坐滿哂)知道呢間有好多招牌菜，但我地人少比較難叫，最後只係揀左招牌即燒乳豬、米蘭野菌焗帶子、金蒜燒汁斑頭腩。招牌即燒乳豬聽說每隻乳豬都係人手自己燒，所以叫左個例牌試試……乳豬皮有做到酥脆甘香，似食薯片，而且切哂中間既肥膏，呢樣抵讚！係咪因為要切開中間既肥豬肉導致會皮肉分離?! 如果肉更juicy就好～米蘭野菌焗帶子味道不錯，夠乾食，唔似其他地方寫焗但成道菜上檯會濕濕luplup，唯一要挑剔既位係帶子做法係一隻橫切開幾舊，少左原來想像既口感！金蒜燒汁斑頭腩相對黎講三味菜最推薦呢道！斑頭腩配以燒汁好惹味，外層炸漿唔厚，唔會搶左魚腩既鮮甜，喧賓奪主。而且幾鍾意

通常同fd 另一半食西餐同日本野多但同屋企人食呢 有長輩多數鍾意食中菜 咁就揀左九龍城既『城寨風味』中菜一於試試佢餐館內環境裝修果然好有古香古色既城寨風味我地枱旁邊仲掛有清明上河圖 充滿古代藝術感啫啫芥蘭煲芥蘭有d碎肉煮得好入味 魚腸蒸蛋聽講魚腸蒸魚唔係周圍都有得食 好少地方可以食到 好香魚腸海鮮味 其實口感有d似蠔餅 非常美味雞煲配料有洋葱香葉同三色椒 煮得幾香 不過雞肉份量太少啦小炒皇小炒皇炒得有鑊氣 好惹味 小魚仔香脆好味伊麵伊麵就一般般 煮得無想像中咁好味 唔夠穫氣紅燒乳鴿乳鴿體積大小剛好 不會太老或太細 外皮非常香脆 肉非常嫰滑 脂肪比例剛剛好 我地一家對呢2隻乳鴿讚不絕口 非常出色

燒豬同乳鴿幾好食 😳 皮香肉嫩 脂肪同肉既比例剛好 肥膏都燒融曬乳鴿size 合格!! 唔會太老但肉多金莎蝦球 用蝦仁同鹹蛋黃炸成 好食啊 加多d 鹽會更好 少少漏七味黃金豆腐 皮薄 脆 豆味香 大大塊八個 唔漏!鮑粒瑤柱炒飯 色鮮亮泛油光 用料足 有鮑片 瑤柱 菜芯 雞粒, 飯粒粒粒分明 再硬d 會更好, 應該加左少少味精(有邊間餐廳唔會?)呢度既侍應同經理都好好人，非常熱情，而且上菜速度剛好。我地今次去大家都覺得好好食，而且環境氣氛都唔錯既。

九龍城除了泰國菜和潮州菜外, 要吃港式小炒就應該是在這裡了. 說到九龍城的風味, 對我而言應該是大雜燴吧! 無論是以前九龍城寨的Chaotic, 啟德機場引來不同國家的人的交流, 又或是不同國家在這裡組成的社區. 延伸到這食肆, 也有這樣的風格.像是米蘭野菌焗帶子, 用上西方的雜菌配上大大粒帶子, 其香味令帶子的鮮味帶出來, 用上焗的方法不但令其更健康, 更令雜菌內含的香味透徹地迫出來. 奇妙墨魚卷用上奇妙醬, 有如小時候吃的沙律海鮮卷一樣, 以濃甜的西方醬料配上海鮮, 效果嘛! 有找到的是童年回憶, 但其甜膩感我吃了一塊已經受不了! 雜燴嘛, 沒有統一做法自然不會有統一的好評.燒味的乳豬沒有特別做法, 就是燒得夠脆口, 皮肉的脂肪也取了出來, 油膩感少了, 皮和肉味道更能帶出來, 乳豬大部份的來源都是來自越南, 食材質素帶來味道的分野就不太明顯. 黑椒燒鴨的鴨燒得剛好, 肉質也夠Juicy之餘皮也是爽脆的, 至於黑椒的香和辣就比較溫和, 還是陳光記比較深刻, 可惜她已消失了.

以前我聽朋友講過，但未食過，所以今次朋友聚會就揀咗呢間，但係味道比想像中一般，其實唔係難食，不過冇驚喜。自己覺得比較冇咁好食係個啫啫芥蘭同個個人份量嘅花膠盅，芥蘭都OK但啲肉碎好奇怪。個花膠盅唔識點形容總之麻麻。仲有個牛腩好靭

友人極力推薦這家的乳鴿，所以這回特地試一試。古法脆皮BB鴿，上枱熱辣辣，鴿皮香脆，肉質嫩滑多汁，炸得剛好，調味適中 ，果然是一試難忘。另外本人特愛銀芽，所以再點了金柱鄉下仔炒銀芽，雖然賣相不吸引，但作為銀芽怪就十分滿意，銀芽加粉絲呢個配搭很好，粉絲可以吸收銀芽的菜汁，加上少少秘汁（類似魚露加馬拉盞的感覺）炒香，好味道。店員都有推介城寨石鍋花膠，花膠湯厚實味濃，份量略嫌太少。環境裝潢都極具香港特色，風味十足。

平時去九龍城就食泰國菜多 都係第一次係到食小炒 又幾好食 有驚喜 同埋個裝修都好有味道 如果有外地朋友黎 係一間唔錯既餐廳帶朋友黎食下香港味廣東菜 唔一定次次都要食泰國菜 試下其他都好啫啫芥蘭煲芥辣炒得啱啱好 咸咸地好啱送飯 七味黃金豆腐外皮唔係用厚粉 薄脆香口 外脆內軟 勁好食 停唔到口城寨石鍋魚翅仲會跟一個飯雖然同澳門食既無得比 但都好出色 入面有芽菜 仲有好多翅 好好足料🤗黃金蝦球咸蛋味香濃 好match 香口既野係令人食唔停口架 正正子

之前tvb播城寨風雲時就好想到這家店試試，終於在一年多後有了就次機會。餐廳下午5點半開始提供晚餐，我們打電話訂了6點的位子，被告知只能吃到8點半。6點半後這裡已全線滿座。店舖布置咗好多有特色的装飾品，連地上都有鋪銅錢。唔怪得之好多顧客來此打卡。出品方面都有自己風味：乳豬：名符其實的乳豬，所以皮薄而脆，冇肥膏，另加咗特別的酱料燒，所以亦有淡淡的香甜味。大人小朋友都好愛。魚腸：好考功夫的菜式，唔係度度都有得食。呢間的魚腸幾足料，焗出來成個煲都好干身，唔會有癡底同粘粘的感覺，雖冇加果皮，但亦唔會腥。不過有d魚腸都苦苦地。乳鴿肉不多，味道相對其他食肆的會略显清淡，亦冇跟餐上淮盐。茄子係亮點，上碟好大條，以為係斋，但原來內有釀墨魚滑，正。雞煲的雞肉好嫩滑，又入味，連小朋友都食到停唔到口。炒飯亦有賣相，又有實際，干身香口，粒粒分明。最後仲要贊吓前菜，豬仔腳意想唔到咁嫩，牛肉腍身，酒香四溢。餐廳仲冇切餅費，真係值得再食過。

份量：很足料味道：十分滿分，有8分環境：乾淨，略嫌冷氣不足服務：雖然人手不足，但態度都很客氣，服務周到，眼明手快推介食品：燒汁蝦球，橙汁蝦球，鮮胡椒茄子，雙菇帶子，糕蟹蒸糯米飯由訂位，預訂菜式，到完成整個飯局都很滿意，員工態度很好，行動很迅速，跟進狀況很好，每碟餸都很大碟，以為經常宣傳，價錢會很貴，份量會很少，怎知6人餐的份量就像是12人的一樣，很抵食，不止菜式名字動聽，食物質素也很創新，不是虛有其表，是花心思之作，感謝師傅的用心巧作