敏華冰廳 (已結業)

夜晚十點幾仲未食飯，見到呢間冰室仲未close, 就入去食個頹飯醫飽個肚。冰室來來去去都係食常餐果d, 就試下佢個超大雞扒飯，點知真係勁大塊，成塊面咁大，咁當然佢將塊扒揼扁左。塊雞扒顏色煎到好金黃，個皮好薄好脆身，肉質好juicy 好嫩滑，味道好重蒜味，估計佢係半煎炸，因為叫左10分鐘左右就到左，配上甜豉油加疆蓉撈飯真係一流！飲多杯凍檸茶小甜，茶底濃郁，飲完即刻解油膩。因為餐廳就黎close, 所以d員工都坐係度玩電話等收工，港式茶記黎講態度還可以接受。