泰斗 (中達大廈)

營業中

休息中

想食泰菜就二訪呢間泰菜，而且每次經過海防道都會見到掛住好大隻「泰」字招牌，就係佢地啦！幾鍾意佢有室內同室外位，室外位仲有好多燈泡裝飾，感覺有啲似置身於泰國夜市，氣氛一流泰式生蝦共有八隻，都厚身同大隻而且口感彈牙，配埋蒜蓉、辣椒粒同酸酸辣辣嘅醬汁一齊食正呀汁燒魷魚筒係原隻魷魚上，魷魚唔會燒得過熟，配上辣醬食，口感唔錯同幾惹味泰式辣椒膏炒蜆嘅蜆肉都大隻同鮮味，而且份量多，用嘅辣椒醬就帶點甜味，辣味比較mild ，如果鍾意食辣建議嗌另外一隻味黑胡椒蜆會比較好泰式椰青海鮮焗飯，用咗椰子殼去裝住啲飯，presentation幾靚，個飯裏面有蝦、蜆肉、椰子肉等，食落唔算濃味，清清地帶點椰香都唔錯，加埋肉鬆同埋腰果一齊食口感會更好餐廳仲有各款泰式飲品、cocktail、mocktail同啤酒提供，White temple cocktail 賣相幾靚，上面隻紫色啤啤熊冰粒係用蝶豆花造成，飲品就mix咗荔枝、益力多、白酒、橙汁同桃汁，甜甜地容易入口，而Refresh mocktail 無論賣相同飲落去都幾清新，加咗啲cucumber添整體嚟講幾鍾意佢哋個環境，有氣氛，而且食物味道整體ok同份量算多