六公館

營業中

休息中

之前朋友請我去六公館食晚餐～地方真係好靚，令我留下咗深刻印象～決定帶朋友再去～好急咁打去book位，夜晚要最低消費1,500仲要比按金先，一係用東亞信用卡比，一係親身過去比～實在太遠喇，唔想行過去...所以揀咗食Lunch～唔洗最低消費又唔洗按金～中午嘅六公館，唔同嘅感覺～好光猛，望到海景，好舒服好正～原來Lunch係好似茶樓飲茶咁～叫點心，飲茶～揀咗一段時間～我哋揀咗黑金蝦餃黑色嘅蝦餃非常特別，仲有小小金色，令人唔捨得食佢～就咁食係一粒黑色普通蝦餃，但同埋粒黑蒜一齊食又變得不平凡喇，味道生色咗不小～雪山叉燒包外脆內暖真係好好味～裏面嘅叉燒真係無得彈～金網鵝肝蝦卷上次食晚餐想叫呢個，點知原來要lunch先有～所以今次就叫咗佢～可能期望太高，對佢有啲失望～完全食唔到鵝肝味...感覺只係食緊米網蝦卷咁...個網仲好快林咗....所以超失望...燒賣好大粒，好彈牙，鮮蝦好大隻，食落好滿足～之後我哋另外再叫咗叉燒～不過都係覺得夜晚嗰次好食啲...雖然都係好食～唔知係咪唔同廚師整呢....原本想叫埋個斑片肉鬆脆米魚湯泡飯點知呢段時間係未有嘅....所以轉叫咗海膽燴飯～上次亦都有食～因爲覺得好味～