影片
更多
2019-05-11
144 瀏覽
今天同朋友去尖沙咀一間樓上鋪食了個超抵食的晚飯,不但止味道好, 仲有好多菜式的選擇, 真的是好食又抵食, 所以一定要同大家分享下. 這間於尖沙咀厚福街一間商業中心5樓的樓上鋪, 因為我們當天收工收得夜,去到間餐廳時已是夜晚九點後, 入到餐廳竟然仲有唔少枱食客, 而且越夜越多人上來食嘢, 睇來好多人都知這間餐廳是琛夜食堂. 座定之後睇下個餐牌, 原來有好多選擇, 有西式肉眼扒, 西班牙豬鞍扒, 有烤魚等等, 仲有日式串燒及中式燒海鮮, 仲有甜品添, 款式相當豐富, 我們便叫了幾款最想食的, 有中式的燒海鮮,包括有貴妃蚌, 蒜茸燒扇貝及秘汁燒鮑魚仔, 仲order了日式芝士鰻魚玉子燒及西式的露筍蟹肉海膽忌廉飯加煙三文魚雜菜卷, 仲有我最喜愛食的心太軟及藍莓芝士蛋糕. 最先上來的是煙三文魚雜菜卷, 見到煙三文魚卷放在碟邊, 而碟中間是一堆淋了日式芝麻醬的沙律菜, 首先我將煙三文魚卷放入口, 濃郁的煙燻香加上三文魚的軟林, 仲有卷在中間爽脆的新鮮青瓜, 哇! 多重口感在口腔中, 好好味! 再食沙律菜, 超級新鮮, 食落口索索聲, 食了這碟煙三文魚卷頓時胃口大增, 剛好貴妃蚌,扇貝及鮑魚仔都啱啱
座定之後睇下個餐牌, 原來有好多選擇, 有西式肉眼扒, 西班牙豬鞍扒, 有烤魚等等, 仲有日式串燒及中式燒海鮮, 仲有甜品添, 款式相當豐富, 我們便叫了幾款最想食的, 有中式的燒海鮮,包括有貴妃蚌, 蒜茸燒扇貝及秘汁燒鮑魚仔, 仲order了日式芝士鰻魚玉子燒及西式的露筍蟹肉海膽忌廉飯加煙三文魚雜菜卷, 仲有我最喜愛食的心太軟及藍莓芝士蛋糕.
最先上來的是煙三文魚雜菜卷, 見到煙三文魚卷放在碟邊, 而碟中間是一堆淋了日式芝麻醬的沙律菜, 首先我將煙三文魚卷放入口, 濃郁的煙燻香加上三文魚的軟林, 仲有卷在中間爽脆的新鮮青瓜, 哇! 多重口感在口腔中, 好好味! 再食沙律菜, 超級新鮮, 食落口索索聲, 食了這碟煙三文魚卷頓時胃口大增, 剛好貴妃蚌,扇貝及鮑魚仔都啱啱燒好來到我們面前, 貴妃蚌非常鮮甜, 我連個殼內的汁都倒落口飲埋落肚, 好正! 扇貝是用蒜蓉燒的, 同酒樓的蒜蓉蒸扇貝一樣咁好味, 而且火候掌握得非常好, 很鮮嫩很好食! 鮑魚仔是整隻的,爽口彈牙, 原汁原味, 食完仲想食, 真的好味道! 之後上來的日式芝士鰻魚玉子燒都相當有水準, 蛋卷煎得可以重疊幾層但又唔怕老, 夾起一舊玉子卷見到它卷了幾層, 食落有蛋香但又卻是很嫩滑, 蛋卷的最中間有一層芝士, 芝士又包住鰻魚, 超好味呀! 仲有那款西式的露筍蟹肉海膽忌廉飯, 勁多蟹肉, 上枱時有兩大舊新鮮海膽鋪在飯面, 我們將它撈勻, 食落口個蟹肉海膽飯又鮮又甜又香口, 係我食過的最好味的飯, 無論中式,西式或日式, 這間的食物都令我們非常滿意, 就連最後的甜品朱古力心太軟都做得相當出色, 仲有仲有, 我個杯餐飲咸柑桔檸檬都是超好飲的, 咁多樣嘢, 無論是食物, 飲品抑或是甜品, 我同朋友都讚不絕口, 下次我們都會再來幫襯!
張貼
