影片
更多
2016-06-01
1294 瀏覽
年幾前已幫襯呢度，通常都是週五週六晚先嚟，星期二食都是第一次！沒週末咁旺，9:30pm到，閒日，位都唔洗等。我地兩個人叫咗12樣嘢，分別是10點前正價和10點後宵夜價。注意返大部分order都是最少叫兩串的。是次order包括免治雞肉：唔彈牙，無雞味，鞋口雞翼：啲肉好乾牛舌：經典，話無渣就呃你嘅，不過勝在佢味道夠濃，有咬口，唔會入口一啖油本菇牛肉：好香姑味，但牛雪到乾晒，入口乾到散開雞軟骨：我自己覺得乾咗少少，可能有朋友會喜歡佢脆身燒秋葵：好味，惹味，追加咗一次！但我食到有一條有苦味，算啦燒山葯：即係淮山，夠爽脆，但有陣咩味？泥味？係咪正常架？ 同酒樓果種鮮味有啲唔一樣既？銀杏：如果濕潤啲會追加的！有甜有苦。露筍豬肉卷：ok 啦，不過啲筍頭尾有啲乾，好似比雪櫃抽乾咗水咁，豬油同筍兩樣撞埋係香嘅…雞肉蓮藕：一啲都唔好味，雞似豬味，蓮藕唔新鮮煙肉蕃茄：嘩！驚喜喎！估佢唔到！記得以前有位朋友嚟親，都一定要叫呢個，話用料雖然簡單但很美味喎，叫到無嘢好叫就試下！ 呵！豬油燒香咗有芝士既香氣，加咗啲香草仲有啲pizza薯片既香味可以講係幾滋味。最後是海蝦，一上枱真是有好大陣香氣，不過肉身太乾，近頭
我地兩個人叫咗12樣嘢，分別是10點前正價和10點後宵夜價。注意返大部分order都是最少叫兩串的。
是次order包括
免治雞肉：唔彈牙，無雞味，鞋口
雞翼：啲肉好乾
牛舌：經典，話無渣就呃你嘅，不過勝在佢味道夠濃，有咬口，唔會入口一啖油
本菇牛肉：好香姑味，但牛雪到乾晒，入口乾到散開
雞軟骨：我自己覺得乾咗少少，可能有朋友會喜歡佢脆身
燒秋葵：好味，惹味，追加咗一次！但我食到有一條有苦味，算啦
燒山葯：即係淮山，夠爽脆，但有陣咩味？泥味？係咪正常架？ 同酒樓果種鮮味有啲唔一樣既？
銀杏：如果濕潤啲會追加的！有甜有苦。
露筍豬肉卷：ok 啦，不過啲筍頭尾有啲乾，好似比雪櫃抽乾咗水咁，豬油同筍兩樣撞埋係香嘅…
雞肉蓮藕：一啲都唔好味，雞似豬味，蓮藕唔新鮮
煙肉蕃茄：嘩！驚喜喎！估佢唔到！記得以前有位朋友嚟親，都一定要叫呢個，話用料雖然簡單但很美味喎，叫到無嘢好叫就試下！ 呵！豬油燒香咗有芝士既香氣，加咗啲香草仲有啲pizza薯片既香味可以講係幾滋味。
最後是海蝦，一上枱真是有好大陣香氣，不過肉身太乾，近頭果啖有少少梅咗。
喜歡有水份的，就選擇蔬菜類吧！
最新鮮的仍然是收費的冷蔬菜小碟，加埋佢個汁真是好滋味，可能流轉量大的關係，佢可算是全店最新鮮的材料。試過喺屋企係整唔返既。今次嚟食，大部分食材都太乾燥，唔係燒到乾果種，係雪到抽乾晒水。
最後提醒各位，記住！記住！記住要check 單！ 由其係特價前後，幾串幾串咁，落差可以好大（差唔多＄200上落）！今晚埋單時張單計咗3次先啱，人手落單，唔同人serve，總會有錯，平心靜氣…記住唔好影響心情！
張貼