季稻 (已結業)

餐廳環境闊落，裝潢充滿泰國風格。用餐時間係星期六夜晚六點左右，可能時間仲早，我哋係第一枱客。開頭都有啲擔心間餐廳冇人食會唔會好伏，但點知愈坐愈多人，咁先放心晒。椰奶雞湯⁸⁸雞肉份量十足，肉質嫩滑。雞湯味濃郁帶點酸辣，非常惹味，唔食辣嘅朋友都可以接受到嘅辣度。雞湯有二人份量同五人份量，我哋兩個人叫咗二人份量都非常飽肚。船麵（牛）⁶⁸湯底香濃，離遠都聞到牛湯嘅香味。配料份量十足，有牛丸、鮮牛肉、肥牛。牛肉肉質鮮嫩爽口，牛味充足。而食船麵又點少得炸豬皮，豬皮炸得金黃鬆脆，浸一浸牛湯食，非常美味。船麵大大碗，咁嘅價錢相當抵食。