蘭桂坊車仔麵 (已結業)

蘭桂坊唔一定要去劈酒, 食西餐,去食個車仔麵都係得一個好嘅選擇, 今日就唔去飲嘢, 正正經經同朋友去食咗個車仔麵油麵比一般車仔粉麵店嘅質感唔同, 特別爽彈, 佢嘅掛湯能力依然不俗, 而且更容易夾, 更加方便食! 車仔麵配料種類繁多, 特別嘅款式, 例如素鮑片, 芋絲, 豬軟骨, 甚至連響鈴, 甜酸齋都有!今日最想食芋絲, 掂咗佢嚟食, 另外係招牌牛腩, 素鮑片同埋魚蛋, 芋絲非常之爽口彈牙配合埋佢嘅沙爹汁湯底,滋味無窮!另外再叫咗 炸軟腳蟹, 佢嘅體積都唔少, 用避風塘嘅做法, 超級惹味! 辣辣地咬落去鬆脆, 值得一讚