小魚兒 (寶漢大廈) (已結業)

見咁多人推介小魚兒既烤魚，一於試下。烤魚我一定點江團魚，肉質嫩滑且少骨，呢間店既江團魚夠鮮味，麻辣湯汁加蒜香好野味，濃郁且醇厚，魚都夠大條，啖啖肉，正。點了個美國肥牛+豆卜，平價既肥牛不能太有期望，正常水準，偏韌，呢間既豆卜反而有特色，較其他地方煙韌，吸滿湯汁後，口感柔滑有咬口，好Juicy。裝修都靚，座位寬闊，服務正常，鍾意食烤魚既一定要試下。另外，見佢有粉麵、客飯、下午茶等套餐，$50左右有交易，性價比夠高。