味來中菜餐廳 (已結業)

今日心癢癢想食乳鴿，搵到太子呢間餐廳，叫返隻食下先。自助落單好方便，Menu上款式一目了然。🕊「紅燒脆皮乳鴿」$48即叫即燒，價錢唔貴炸得好香，唔會太油，細細隻，但好多肉。唔洗去酒樓一樣享受到。🐮「乾炒牛肉河」呢度嘅炒野真係好夠鑊氣，河粉炒得好靚熱辣辣，牛肉夠腍唔會靭，估唔到咁多片大大碟好足料，仲免費跟老火湯🥤識飲一定係玻璃樽裝嘅汽水。見到有好多款小菜，仲有好多生猛海鮮．下次唔洗去酒樓都食到高質小菜。