味來中菜餐廳 (已結業)

呢間餐廳位於三叉路口顯眼位置，經常行經見到👀今日諗起就去試吓，喺太子地鐵A出口行3行鐘到，即使落雨天都唔怕🌧店員服務態度積極，門口有人招呼。😄咁啱午市餐單換咗張新嘅，多咗幾款炒粉麵飯套餐選擇，望落好似幾唔錯咁～見隔籬枱嗌咗碟乾炒牛肉烏冬，離遠聞到好香鑊氣，即刻心郁郁落咗單，果然跟對了風向👍🏻烏冬炒得色澤均勻，有油光，牛肉亦不會太韌或鞋，由於整碟菜口味不重，食完也沒有感覺要飲水，伴韮黃、芽菜、洋蔥絲，簡單滋味。朋友嗌咗碟廈門炒米，賣相開胃，有蝦肉、肉絲、切條三色椒、芽菜，配料較多，口感豐富，重點係碟碟都咁大份，而且每個餐都送一碗老火湯，呢次係是日冬瓜湯，簡直2個餐可以叫多一個人去食。中餐廳來講，性價比算高，餐廳環境、衛生都ok，不過由於場內太多食客，就沒有影相了。#味來中菜餐廳 #中菜小炒 #廣東菜 #交通方便 #太子美食 #lunch