夢工房西日料理 (已結業)

在葵芳通常都會去食葵涌廣場食米線或者去葵芳新都會食野, 今次相約舊同事懷緬一番, 响以前成日LUNCH都去的好爵中心食野, 但已改變咗好多, 見到呢間夢工房西日料理, 外面見到都好多人幫襯, 而且價錢非常抵食, $168 /人日式放題, 食物種類真係超多款，店員推界可加$78 升級有生蠔及松葉蟹, 咁多然加埋啦, 還點了好多刺身, 上菜時好美觀, 有乾冰伴住, 三文魚, 蟹棒及長脚松葉蟹好鮮甜, 仲有甜蝦, 帶子任叫,先叫了前菜, 有中華沙律, 螺肉,蟹籽沙律, 另外叫了黑松露帶子壽司-好香黑松露味, 冇諗過咁夾帶子, 仲有XO醬和牛壽司, 好惹味呀, 還有北寄貝, 鰻魚壽司同火炙芝士三文魚, 呢個好特別, 芝士黏住三文魚, 好有漿口感,熟食都有好多種類, 有香蒜燒蠔, 好香口呀; 還有羊架, 好稔身; 還有炸章魚小丸子, 炸蠔,炸海鮮卷, 好脆口呀!飲品方便, 係自助型式, 任取, 有紙包及罐裝飲品, 我地就叫了梅酒, 加啲冰, 好醒胃呀!埋單每人都係$231, 食到咁多刺身同野食, 真係超值,好滿足呀!