會所1號 尖東薈 (已結業)

嗰日同屋企人搵地方飲茶，知道尖沙咀開咗間新會所一號，這集團出品環境食物一向不錯，所以決定去試吓。門口見到一個好似書咁樣嘅螢幕，優雅高貴。內裏裝修亦一絲不苟，整個場地裝修配搭高雅，環境寬敞，以淡綠色為主色。菜式及點心選擇非常豐富，仲有特別推介，我地點左個套餐再加點心。香菇燒賣，大大粒非常飽滿，而且熱辣辣。奶黃煎堆仔，煎堆仔配合內裏嘅奶黃，味道一流，而且奶黃充滿整個煎堆仔。蒜蓉蝦春卷，外皮炸得好脆，蝦爽口彈牙。百味豆腐粒，外皮炸得好脆，內裏嘅豆腐好滑，細細舊一啖一粒。黃公醬炒蚌柳，蚌柳鮮甜彈牙，青豆好爽口，好有夠鑊氣。花膠濃湯泡菜苗，菜苗非常鮮嫩，花膠厚身，湯亦非常清甜。一品脆皮燒雞，燒雞火候十足而且皮脆肉嫩。蟹子薑蔥蟹肉炒飯，炒飯飯粒分明，蟹肉份量非常多，加上新鮮嘅蟹子，帶出整個炒飯嘅鮮味。最後到甜品咖啡蛋撻仔咖啡味香濃，蛋撻皮鬆脆亦好香牛油味。有好特別嘅橙冬瓜，冬瓜浸左甜甜嘅香橙味，非常清新。藍莓慕絲，甜道剛剛好，而且非常香滑。總括整個場地環境一流，店員服務態度細心，大家一定要去試吓。