影片
更多
2024-10-16
242 瀏覽
一早睇中呢間餐廳，趁朋友生日特登book嚟慶祝，只可以講句喜出望外。成間餐廳好fancy, 舉起手機處處都係打卡位，server態度親切服務周到，食品飲品都係睇得又食得。 ✦ 墨西哥脆餅配四川麻辣手撕雞 Taco Sichuan Chili Shredded Checken HKD78 ✦非常夾嘅fushion菜式。微辣嘅手撕雞配上脆卜卜嘅taco皮，加清香牛油果醬同毫不吝嗇嘅生菜。酸酸辣辣，味道好平衡，份量好充足。超級開胃。 ✦ 秘製Dirty屠夫牛扒 Dirty Steak HKD398 ✦開完胃就要食大餐。睇餐牌話選用咗美國牛嘅罕有部位，經蔬菜整晚醃製，慢煮十二小時再烤製。果然，五成熟嘅牛扒，肉心微微帶粉紅，外皮烤得啱啱好。肉質鮮嫩，簡單調味已經感受到滿口肉香。另外配菜都好有心機，熱辣辣嘅粗薯，加大大粒烤蒜。特別想讚粒烤蒜處理得好唔錯，外皮微焦、內部柔滑，好好解膩。 ✦ 震震吓梳乎厘奄列 Fluffy Souffle Omelette HKD118 ✦最surprise係呢個Souffle(!) 放喺播住生日歌嘅迴旋木馬上面，朱古力手寫靚靚happy birthday, 夢幻感u
一早睇中呢間餐廳，趁朋友生日特登book嚟慶祝，只可以講句喜出望外。成間餐廳好fancy, 舉起手機處處都係打卡位，server態度親切服務周到，食品飲品都係睇得又食得。
✦ 墨西哥脆餅配四川麻辣手撕雞 Taco Sichuan Chili Shredded Checken HKD78 ✦
非常夾嘅fushion菜式。微辣嘅手撕雞配上脆卜卜嘅taco皮，加清香牛油果醬同毫不吝嗇嘅生菜。酸酸辣辣，味道好平衡，份量好充足。超級開胃。
✦ 秘製Dirty屠夫牛扒 Dirty Steak HKD398 ✦
開完胃就要食大餐。睇餐牌話選用咗美國牛嘅罕有部位，經蔬菜整晚醃製，慢煮十二小時再烤製。果然，五成熟嘅牛扒，肉心微微帶粉紅，外皮烤得啱啱好。肉質鮮嫩，簡單調味已經感受到滿口肉香。另外配菜都好有心機，熱辣辣嘅粗薯，加大大粒烤蒜。特別想讚粒烤蒜處理得好唔錯，外皮微焦、內部柔滑，好好解膩。
✦ 震震吓梳乎厘奄列 Fluffy Souffle Omelette HKD118 ✦
最surprise係呢個Souffle(!) 放喺播住生日歌嘅迴旋木馬上面，朱古力手寫靚靚happy birthday, 夢幻感up。最正係souffle又大份又好食，質地綿密、輕型、唔膩，配搭微甜順滑嘅cream, 食到好開心。
✦ Fresh Graph Apple Yogurt Soda HKD58 ✦
好靚嘅飲品，將提子切半砌成花型，美感十足。
✦ Fresh Mango Passion Fruit Smoothie HKD58 ✦
好濃郁嘅Mango juice, mixed with口感十足嘅passion fruit, 酸酸甜甜好醒神。
好耐未食過顏值同味道都一流嘅餐廳，袋定喺個list下次再慶祝再返嚟。
秘製Dirty屠夫牛扒 Dirty Steak HKD398
25 瀏覽
0 讚好
0 留言
墨西哥脆餅配四川麻辣手撕雞 Taco Sichuan Chili Shredded Checken HKD78
10 瀏覽
0 讚好
0 留言
震震吓梳乎厘奄列 Fluffy Souffle Omelette HKD118
0 瀏覽
0 讚好
0 留言
張貼
