影片
更多
2024-08-04
22 瀏覽
竹面譜 (太子)今日收工行經太子見到間舖個名幾特別，加上週年紀念有88折就入去試下，呢間餐廳阿咗傳統粉麵外，仲有唔少其他特別選擇，價錢都係街坊學生價，好吸引🤤入到去感覺好親切，店員都好有耐心推介店舖特色食物，有夢王系列，花膠套餐，自選百搭飯，真係花多眼亂呀🤣夢王和牛丼$68牛肉係用咗鹿兒島A5和牛，再加夢王生蛋黃，黎到已經聞到好香，拮穿蛋黃再撈個飯，就已經流曬口水，牛肉入口即溶，再配蛋汁撈飯真係勁正❤️平時出面食和牛，閒閒地都100幾蚊，依家呢個價錢真係街坊價，份量仲要十足，必叫之選❤️夢王蒟蒻冷麵$48 烤豬頸肉+$18天氣咁熱，想食返啲開胃野就揀咗蒟蒻冷麵，配料都幾多，除咗有夢王流心蛋外，仲有青瓜絲，粟米，車喱茄外，響麻醬入面仲加咗吞拿魚，食落清爽又開胃👍烤豬頸肉相當出色，外面香口得黎入面充滿咗肉汁，勁正🤤🤤紫菜三寶湯$44除咗紫菜外，仲有魚片頭，墨魚丸同牛丸，紫菜爽口湯都十分清甜好飲👍小食雙拼$30叫咗炸花枝丸同墨魚餅，食落十分彈牙，點埋泰式酸辣醬，絕配。食咗啲熱氣野，呢度仲有每日新鮮自家製涼茶可以叫，揀咗支清心火($22)，微甜得黎又順口，好好飲😚因為主打街坊生意，所以價錢相宜，但
今日收工行經太子見到間舖個名幾特別，加上週年紀念有88折就入去試下，呢間餐廳阿咗傳統粉麵外，仲有唔少其他特別選擇，價錢都係街坊學生價，好吸引🤤
入到去感覺好親切，店員都好有耐心推介店舖特色食物，有夢王系列，花膠套餐，自選百搭飯，真係花多眼亂呀🤣
夢王和牛丼$68
牛肉係用咗鹿兒島A5和牛，再加夢王生蛋黃，黎到已經聞到好香，拮穿蛋黃再撈個飯，就已經流曬口水，牛肉入口即溶，再配蛋汁撈飯真係勁正❤️平時出面食和牛，閒閒地都100幾蚊，依家呢個價錢真係街坊價，份量仲要十足，必叫之選❤️
夢王蒟蒻冷麵$48 烤豬頸肉+$18
天氣咁熱，想食返啲開胃野就揀咗蒟蒻冷麵，配料都幾多，除咗有夢王流心蛋外，仲有青瓜絲，粟米，車喱茄外，響麻醬入面仲加咗吞拿魚，食落清爽又開胃👍烤豬頸肉相當出色，外面香口得黎入面充滿咗肉汁，勁正🤤🤤
紫菜三寶湯$44
除咗紫菜外，仲有魚片頭，墨魚丸同牛丸，紫菜爽口湯都十分清甜好飲👍
小食雙拼$30
叫咗炸花枝丸同墨魚餅，食落十分彈牙，點埋泰式酸辣醬，絕配。
食咗啲熱氣野，呢度仲有每日新鮮自家製涼茶可以叫，揀咗支清心火($22)，微甜得黎又順口，好好飲😚
因為主打街坊生意，所以價錢相宜，但服務同食物質素都好好，選擇配搭又多，下次一定會再黎試埋其他野食🤣👍
張貼
