影片
更多
2019-05-02
81 瀏覽
香港人，想瞓個靚覺，發個好夢，都不容易，有間餐廳為了紓解忙碌嘅香港人，以夢作為主題應運而生。昏暗嘅燈光，舒適嘅座位，加上白色羽毛嘅襯托，就是為各位食客做個好夢而作的準備。我和友人甫一坐下，今晚全種服務我哋嘅Wine Captain Patrick便走過來，向我哋介紹了餐牌。這是一間行法日Fusion 既餐廳，一直以來，本人覺得法國菜同日本菜既精神都相當接近，都是用精緻嘅手法，去帶出食材原有既味道。今次我地點咗六道菜既晚餐，且看廚師如何向我哋演繹夢😌Amuse bouche餐前小食有二款法式餐包同一個日式煮南瓜。用暖烘烘既布袋裝住外脆內軟既餐包，加點牛油，就是好味，簡單就是美。👍用味淋和淡口醬油煮過既南瓜，最能突顯日本菜式帶出原味既精神。Surprise dishPatrick 事前已細心問了我地對食物有冇敏感，這是一道完美結合既法日Fusion菜。海膽用法式燉蛋方式黎烹調，甜味噌取面代之了焦糖，小嚐一口，感覺好像含住棉花一樣咁輕盈，但味道複雜，先是鮮甜而帶點鹹既海潮味，再來是濃郁既甜味噌，兩種味道在口中互相融合，令人猶如置身夢中一樣。蟶子用牛油輕輕炒過，肉質鮮甜彈牙，配上醃漬完既三文魚
我和友人甫一坐下，今晚全種服務我哋嘅Wine Captain Patrick便走過來，向我哋介紹了餐牌。這是一間行法日Fusion 既餐廳，一直以來，本人覺得法國菜同日本菜既精神都相當接近，都是用精緻嘅手法，去帶出食材原有既味道。今次我地點咗六道菜既晚餐，且看廚師如何向我哋演繹夢😌
Amuse bouche
餐前小食有二款法式餐包同一個日式煮南瓜。
用暖烘烘既布袋裝住外脆內軟既餐包，加點牛油，就是好味，簡單就是美。👍
用味淋和淡口醬油煮過既南瓜，最能突顯日本菜式帶出原味既精神。
Surprise dish
Patrick 事前已細心問了我地對食物有冇敏感，這是一道完美結合既法日Fusion菜。
海膽用法式燉蛋方式黎烹調，甜味噌取面代之了焦糖，小嚐一口，感覺好像含住棉花一樣咁輕盈，但味道複雜，先是鮮甜而帶點鹹既海潮味，再來是濃郁既甜味噌，兩種味道在口中互相融合，令人猶如置身夢中一樣。
蟶子用牛油輕輕炒過，肉質鮮甜彈牙，配上醃漬完既三文魚子，令鮮味再一次提升。
Pan seared foie gras
煎香了既鵝肝，配上微甜嘅栗子蓉，出奇地配搭，幼滑既栗子蓉中和了鵝肝既油膩感，令鵝肝更可口。食完美味既鵝肝，接住食埋雪芭，清一清味蕾，為下一道作準備😋。
Lobster Tail
慢煮完既龍蝦肉，相當嫩滑，口感有點似刺身，加上用分子料理方式，將波菜做成泡沫，增加口感，配上雜椒汁同芥末籽忌廉汁，集香辣嫩滑於一身既菜式，並非夢中先可食到。
Surprise dish
呢道傳統既日式磯煮鮑魚，用醬汁及昆布慢火去炆煮，鮑魚肉質鮮嫩彈牙，濃郁的湯汁令人一試難忘，菜式上台時，Patrick 細心向我地介紹烹調方式以及用玫瑰露酒加熱返鮑魚，呢道集合視色香味既菜式，給人一個有別於一般既餐飲享受。
Japanese cod fish & Kagoshima
用咗刺身級別既鱈魚，表皮煎到香脆，油脂豐富既魚肉，經過烹調，變得更香滑，配上番红花蜆汁，鮮香味更上一層樓。
鹿兒島出產既和牛牛柳，油份唔多，香煎後口感十分鮮嫩，配上雞油菌等當造既蔬菜，令人欲罷不能。
Mignardise & coffee or tea
終於到了最後既甜品，有點快要夢醒既感覺，先來既係一杯羅勒雪糕，輕輕拿起上層玻璃杯，下面會有一陣薄荷煙霧徐徐升起，深深吸一口，有陣薄荷嘅清新香氣，雪糕下面還有提子肉和啫喱，混在一起食，軟綿綿嘅雪糕和啫喱，甜絲絲中帶有一點酸味，加上脆口既杏仁脆片，不會令人有heavy 感覺。
最後還有二份小甜點和檸檬茶作結，真係有點捨不得的感覺。
餐廳還有很多美酒和雪茄或者水煙供應，客人可以在露台望住跑馬地馬場和周邊既景色，享受穿梭於夢與現實中。
張貼
