影片
更多
2019-05-09
948 瀏覽
不經不覺同先生認識左17年x個月，今日約左黎食飯慶祝相識紀念日。有幾個唔同既set, 我地揀左6個course,有2個surprise dish。餐包係牛角包，用布袋盛上有點驚喜，一打開布袋就傳出好香麵包味，好鬆軟帶點脆口，牛油味香濃，為這一餐帶來美好既開始。餐前小點係龍蝦他他pancake, 肉質結實帶微微既洋蔥辛辣香味既龍蝦肉配上微甜既pancake好味。第一個surprise dish 係蟶子，海膽味增燉蛋，蟶子炒得唔會過火，肉質好爽嫩鮮甜，燉蛋加左味增同青口打成既醬再加埋海膽，咸甜咸甜好香滑，好好味，小小一兜令人意猶未盡，好想再食。法國鵝肝多士配砵酒汁，法國栗子蓉，乳酪雪糕，鵝肝肥美內嫩滑完全無腥羶味，粟子蓉好smooth又香甜，乳酪雪糕帶甜甜微酸，3種加埋一齊食竟然好夾，好好味。慢煮龍蝦尾配上芥末子汁，同埋三種胡椒打成既汁。慢煮龍蝦保持鮮嫩，白胡椒黑胡椒同青胡椒打成既汁帶甜好香濃帶小辣，亦好好味。第二個surprise dish係磯燒鮑魚放係熱石上面再點火，有陣陣玫瑰露酒既香味散發出來，令鮑魚帶點點酒香味，再加入燉煮過既日本大根，大蔥同紅蘿蔔既湯入面，鮑魚彈牙入味，大根亦軟嫩
有幾個唔同既set, 我地揀左6個course,有2個surprise dish。
餐包係牛角包，用布袋盛上有點驚喜，一打開布袋就傳出好香麵包味，好鬆軟帶點脆口，牛油味香濃，為這一餐帶來美好既開始。
餐前小點係龍蝦他他pancake, 肉質結實帶微微既洋蔥辛辣香味既龍蝦肉配上微甜既pancake好味。
第一個surprise dish 係蟶子，海膽味增燉蛋，蟶子炒得唔會過火，肉質好爽嫩鮮甜，燉蛋加左味增同青口打成既醬再加埋海膽，咸甜咸甜好香滑，好好味，小小一兜令人意猶未盡，好想再食。
法國鵝肝多士配砵酒汁，法國栗子蓉，乳酪雪糕，鵝肝肥美內嫩滑完全無腥羶味，粟子蓉好smooth又香甜，乳酪雪糕帶甜甜微酸，3種加埋一齊食竟然好夾，好好味。
慢煮龍蝦尾配上芥末子汁，同埋三種胡椒打成既汁。慢煮龍蝦保持鮮嫩，白胡椒黑胡椒同青胡椒打成既汁帶甜好香濃帶小辣，亦好好味。
第二個surprise dish係磯燒鮑魚放係熱石上面再點火，有陣陣玫瑰露酒既香味散發出來，令鮑魚帶點點酒香味，再加入燉煮過既日本大根，大蔥同紅蘿蔔既湯入面，鮑魚彈牙入味，大根亦軟嫩入味。
鹿兒島A4和牛好軟嫩帶肉汁配上濃郁牛肉汁
刺身級既真鱈魚好肥美嫩滑，充滿魚油香，配埋濃郁鮮甜既紅花蜆汁，亦好味。
最尾甜品亦好特別，用羅勒整成雪糕，以為會好奇怪，但原來好好味好清新，面頭有杏仁脆糖，仲加左唔同品種既提子，上碟時有薄荷香味既煙飄散出黎，成個甜品有齊視覺，嗅覺，味覺既享受。
最後有Mignardises小小甜點係朱古力慕絲蛋糕同蕃薯蛋糕，2款都唔好好甜，好香滑。
餐廳個名係法文夢，成間餐廳都有羽毛裝飾，帶來好輕柔既感覺，餐廳環境幽靜舒服，連d梳化櫈都好舒適好坐。
每個侍應都好友善，每上一道菜都會換餐具，又會提醒要小心碟或碗好熱，好貼心。
今餐為我地17年x個月相識紀念日帶來美好回憶，每道菜式擺碟，食材，味道都有驚喜，令人意猶未盡回味無窮。
張貼
