影片
更多
2020-06-20
1337 瀏覽
父親節快到，今次選定依間喺顯徑附近嘅潮洲菜慶祝。我預早兩日致電訂位，原來只有食套餐先可以訂位，散叫只可walk in。咁我見天氣熱又星期六，我都唔夠膽太晏到，怕要坐出邊太熱，所以6點左右已經到，果然室內真係得返一張枱..！講返食物，今次叫咗凍蟹、蠔餅（食到一半先記得影相）、金華火腿雞湯翅、鵝片、滷水拼盤、蝦棗，同埋叫咗個甜品拔絲。首先凍蟹真係好細隻、冇肉..成為$200/隻；蠔餅好油...所以有啲淋；鵝片不過不失；滷味拼盤冇味；同埋個拔絲比以前切得大舊，蒸嘅時間又唔夠耐，所以好硬！反而值得一讚係個金華火腿雞湯翅同埋蝦棗，仲保持到水準，個湯係濃郁同足料，有四両翅；蝦棗仲做到彈牙，入邊有粒粒蝦肉！實話實說，佢哋生意真係滔滔不絕，我落咗碗粥同一個飯，到走都未上到枱，最後要取消。但係質素真係比以前差咗好多，真係失望.！
講返食物，今次叫咗凍蟹、蠔餅（食到一半先記得影相）、金華火腿雞湯翅、鵝片、滷水拼盤、蝦棗，同埋叫咗個甜品拔絲。
首先凍蟹真係好細隻、冇肉..成為$200/隻；蠔餅好油...所以有啲淋；鵝片不過不失；滷味拼盤冇味；同埋個拔絲比以前切得大舊，蒸嘅時間又唔夠耐，所以好硬！反而值得一讚係個金華火腿雞湯翅同埋蝦棗，仲保持到水準，個湯係濃郁同足料，有四両翅；蝦棗仲做到彈牙，入邊有粒粒蝦肉！實話實說，佢哋生意真係滔滔不絕，我落咗碗粥同一個飯，到走都未上到枱，最後要取消。但係質素真係比以前差咗好多，真係失望.！
張貼
