瑞士咖啡室 (已結業)

瑞士咖啡室嘅瑞士汁相信好多人食過都話好味，而店內嘅設計更加充滿懷舊玩味，亦有好多當時嘅港式潮語，同M佬回憶起我哋兒時嘅香港，還有從前嘅人情味。嚟到樂富嘅瑞士咖啡室，味道記憶猶新，份量仲大大件添！瑞士汁雞翼嚟到瑞士咖啡室又點可以無瑞士雞翼呢！雞翼入晒味，充滿甜甜嘅瑞士汁香味。同M佬一人一隻好滋味呀！男人的浪漫呢個茶餐好抵食，有豬扒腸仔福麵配火腿奄列及熱狗（或菠蘿包），真係2個女人先食得晒！首先豬扒夠腍，煎得好香；而平時茶餐嘅多士餐包變成大大隻熱狗！火腿奄列係另一賣點，個蛋煎到啱啱好，仲會流出蛋汁，真係好幸福呀！不過，更幸福係用上福麵麵底！與其叫男人的浪漫？我更加覺得係大胃王的幸福呀！孖寶小炒王除咗上面嘅港式之選，呢個中式套餐都係好抵食！可以揀2個餸，仲有齊蟲草花上湯浸時蔬、白飯x2、例湯x2、飲品x2。豉汁蒸黃立倉魚黃立倉魚大大條，而值得一讚係條倉魚洗得好乾淨！而豉汁配黃立倉魚真係無得輸，好好味，用嚟配飯食真係一流呀！海鮮雜菜煲M佬平時最鍾意食魚香茄子，但因為已經叫咗濃味嘅豉汁，所以淡口味方面，佢就最鍾意叫海鮮雜菜煲。呢個煲有蟹柳、蝦、帶子、青口、西蘭花、白菜同粉絲，勁多料呀！勁多菜，好