馬六

營業中

休息中

我鍾意食星馬泰等東南亞美食，之前經過馬六，都已經想試下。今晚冇煮飯，就同囡囡去馬六嘅北角分店。因為我哋早食飯，所以仲係下午茶餐牌，價錢好抵。叫咗一個雞絲扎肉湯金邊粉，同肉骨茶配油飯。雖然係下午茶餐，但係份量超多，而且套餐仲包嘢飲，凍飲加三蚊。另外可以追加小食，價錢都好抵，我哋就點左柚子沙律，班蘭糕，同埋蘿蔔餅。雞絲扎肉湯粉嘅雞絲係海南雞，好嫩滑，湯粉好大碗。肉骨茶口味正宗，裏面嘅排骨都好食，唔會鞋，油飯好香有雞油味。蘿蔔餅炸得香脆，柚子沙律有少少辣，酸酸甜甜幾開胃。最後食埋班蘭糕真係超級飽，但係埋單都係百幾蚊，抵食呀！