中央飯店

營業中

休息中

十年冇返香港嘅外國朋友話想食啲地道嘅嘢食，我而話不說就帶佢哋嚟中央飯店，淨係外面個霓虹光管招牌同埋穿過住宅電梯大堂入去佢哋正門呢一段都已經值回票價啦。叫咗三樣嘢食，四個人食到飽到冇朋友，呢三樣嘢分別係琵琶豆腐、西湖牛肉羹同埋揚州炒飯。九十幾蚊一大鍋西湖牛肉羹都咪話唔驚人，佢入面嘅芫茜牛肉同埋豆腐嘅味道好balance，豆腐好滑芫茜好香。琵琶豆腐就花功夫，所以一定要試下呢啲算係舊式少少嘅中菜。揚州炒飯又係好大碟，好彩冇嗌其他嘅嘢如果唔係實食唔曬。