影片
更多
2023-07-11
68 瀏覽
呢間星馬菜餐廳已經第二次到訪，嘢食款式幾多，抵食兼大份，一直都係呢頭嘅大熱餐廳之一！餐廳裏面係復古懷舊裝修，有唔少掛畫同掛字，啲畫係講緊佢哋招牌芽菜雞嘅故事，好趣致搞怪🤣！另外，小店好有心思，佢哋用嘅餐具全部都係金色邊湖水綠色，成套過好靚！佢哋主打芽菜雞、叻沙同肉骨茶，用QR code落單，夠曬方便！呢度嘅肉骨茶比較特別可以自己揀肉骨嘅部位，而且都係免費添飲！而且佢食物選擇比較多，真係要食幾次先試得曬，值得不斷encore！------------------------------🥘◖砂鍋老鼠粉◗ $88原鍋熱辣辣上枱，好大煲有鑊氣，有炸過嘅魚仔乾、花生同豬油渣，撈埋啲蛋漿，好滑好香口！佢裏面係銀針粉，軟腍有韌氣，落咗啲醬油去炒，會有少少焦底，勁中意食，好香脆超好食！🐓◖怡保芽菜雞◗ $73呢個本身跟黃薑飯，額外加咗$5轉椰漿飯。芽菜雞用咗上等雞肉，有少少似海南雞，肉質超嫩滑，雞皮彈牙爽口，點埋佢個秘製醬汁，有少少甜辣嘅醬，好開胃！至於個椰漿飯青色，顏色好鮮艷，用嘅係珍珠米有飯香，比較濕身，帶住淡淡的椰子香味，都不錯！🧆◖仁噹牛肉◗ $76本身以為佢係好似沙嗲牛肉，但原來係類似咖喱牛
佢哋主打芽菜雞、叻沙同肉骨茶，用QR code落單，夠曬方便！呢度嘅肉骨茶比較特別可以自己揀肉骨嘅部位，而且都係免費添飲！而且佢食物選擇比較多，真係要食幾次先試得曬，值得不斷encore！
------------------------------
🥘◖砂鍋老鼠粉◗ $88
原鍋熱辣辣上枱，好大煲有鑊氣，有炸過嘅魚仔乾、花生同豬油渣，撈埋啲蛋漿，好滑好香口！佢裏面係銀針粉，軟腍有韌氣，落咗啲醬油去炒，會有少少焦底，勁中意食，好香脆超好食！
🐓◖怡保芽菜雞◗ $73
呢個本身跟黃薑飯，額外加咗$5轉椰漿飯。芽菜雞用咗上等雞肉，有少少似海南雞，肉質超嫩滑，雞皮彈牙爽口，點埋佢個秘製醬汁，有少少甜辣嘅醬，好開胃！至於個椰漿飯青色，顏色好鮮艷，用嘅係珍珠米有飯香，比較濕身，帶住淡淡的椰子香味，都不錯！
🧆◖仁噹牛肉◗ $76
本身以為佢係好似沙嗲牛肉，但原來係類似咖喱牛肉嗰種～佢一煲過嚟，有蠟燭仔喺底去保溫，牛肉粒份量都多，肉質偏瘦，牛味都幾香濃，浸喺微辣嘅湯汁入面，幾好送飯～
🥪◖椰香南洋燒麵包◗ $34
佢個麵包黑蚊蚊咁，裏面搽咗薄薄嘅牛油同咖央醬，烘得香脆好食！
🍺◖美祿恐龍◗ $28
嘢飲底唔會好甜，面頭曬咗超多美祿粉，撈勻佢飲，味道啱啱好～
🥥◖椰汁斑蘭冰◗ $28
本身以為佢係沙冰，原來純粹係凍飲，斑蘭嘅味道唔太出，似飲緊椰汁，略嫌唔夠凍～
🌟Encore指數：9/10
張貼
