開飯主義

營業中

休息中

露營兒返屋企放低啲裝備，洗埋衫，覺得有啲肚餓就出咗大埔食個下午茶，不過出到嚟都差唔多五點，本身諗住凍凍地食碗魚湯米線。但係可惜間新開米線分店冇得自由配搭。當喺大埔諗唔到食咩嘅時候，就會上嚟「開飯主義」。因為佢夠大份一定飽肚，實在太肚餓，今次就冇食雞扒火腿奄列就轉咗雞扒包。跟住又屎窟痕平時飲開凍齋啡走甜今日就飲凍檸茶走甜。發覺原來凍檸茶嘅茶底唔係好夠濃。塊雞扒雖然薄咗啲，但係塊蕃茄幾爽口，個醬都幾特別。如果要飽肚，其實基本上冇得輸。