影片
更多
2024-08-27
673 瀏覽
2024年8月7日 星期三今日終於有機會同老婆兩個人嚟到旺角嘅呢間餐廳食飯，喺網上面見到評價唔錯，一直都希望可以嚟試下我哋上到去嘅時間暫時都唔算太多人，因為未到食飯繁忙時間，當我哋坐低做一陣之後，客人就開始陸陸續續嚟到，最後成個場已經坐滿人，餐廳都幾大，枱與枱之間有足夠距離餐牌上面有好多食物選擇，韓國菜方面都算多種類，除咗一般有嘅炸雞之外，仲有魚介湯鍋同特種部隊鍋添，價錢唔算太貴，最後我哋每款都點左少少黎試下等左大約十幾分鐘左右全部食物同飲品都已經黎齊晒，仲擺到成張枱都係，每樣食物既份量都幾多，好彩只係點左幾款食物，如果唔係兩個人一定食唔晒首先有陸軍醬油牛肉湯鍋，用左自家製醬油作為湯底，所以味道比起一般醬油無咁鹹，更食到裡面食材既原味，而且湯鍋裡面除咗牛肉之外，仲有好多配料，甚至可以落埋韓國辛辣麵一齊食，凈係呢個鍋我哋個肚都已經飽左一半我哋仲有叫到檸檬雞肉沙律，上面撒滿左芝士碎，裡面仲有腰果、雞肉、雞蛋、粟米粒同蕃茄粒添，十分豐富，每一啖都食到唔同既配料，而且醬汁好開胃之後飲品就有草莓乳酸梳打，酸酸甜甜，而且夠晒冰凍，飲落去仲食到草莓蓉添我就要咗暮色百香，其實係水果茶，裏面有青檸、檸檬
今日終於有機會同老婆兩個人嚟到旺角嘅呢間餐廳食飯，喺網上面見到評價唔錯，一直都希望可以嚟試下
我哋上到去嘅時間暫時都唔算太多人，因為未到食飯繁忙時間，當我哋坐低做一陣之後，客人就開始陸陸續續嚟到，最後成個場已經坐滿人，餐廳都幾大，枱與枱之間有足夠距離
餐牌上面有好多食物選擇，韓國菜方面都算多種類，除咗一般有嘅炸雞之外，仲有魚介湯鍋同特種部隊鍋添，價錢唔算太貴，最後我哋每款都點左少少黎試下
等左大約十幾分鐘左右全部食物同飲品都已經黎齊晒，仲擺到成張枱都係，每樣食物既份量都幾多，好彩只係點左幾款食物，如果唔係兩個人一定食唔晒
首先有陸軍醬油牛肉湯鍋，用左自家製醬油作為湯底，所以味道比起一般醬油無咁鹹，更食到裡面食材既原味，而且湯鍋裡面除咗牛肉之外，仲有好多配料，甚至可以落埋韓國辛辣麵一齊食，凈係呢個鍋我哋個肚都已經飽左一半
我哋仲有叫到檸檬雞肉沙律，上面撒滿左芝士碎，裡面仲有腰果、雞肉、雞蛋、粟米粒同蕃茄粒添，十分豐富，每一啖都食到唔同既配料，而且醬汁好開胃
之後飲品就有草莓乳酸梳打，酸酸甜甜，而且夠晒冰凍，飲落去仲食到草莓蓉添
我就要咗暮色百香，其實係水果茶，裏面有青檸、檸檬同百香果等等，充滿果香，飲落去食到百香果，清新解膩，加上份量仲咁多，兩個人都足夠飲用
食韓國菜當然唔少得有炸雞，呢個係蜜味乳酪粉無骨雞配番薯條，蜜味乳酪粉酸酸甜甜幾開胃，令到炸雞都唔會太過油膩，亦唔會好快覺得飽，加埋檸檬汁一齊食，味道更加豐富， 至於番薯條就炸得好香口同脆身
最後仲有甜品芒果雪冰，甜品上面有一大球雲呢拿雪糕，側邊有好多切粒嘅芒果，而雪花冰上面仲淋上咗芒果醬，食落去好綿滑又夠冰凍，一個人完全食唔晒
叫咗咁多嘢食，埋單每人都係三百幾蚊，已經包住個肚走!!!
張貼
