OCEAN THREE (已結業)

平時同朋友會周圍去搵生蠔食, 離不開都係搵酒店或一些高級既oyster bar~~ 消費當然都几高下啦~~ 不過就唔係次次食到有水準的蠔~ 唔知係咪佢地沖水沖得太乾淨, 所以好多時係蠔味好淡~在facebook見到呢間ocean three, 於是朋友生日會決定訂呢間既生蠔同刺身等等~~ haha~ 勁搞笑, 第一次自己動手開生蠔, 初時唔知點入手, 但ocean three 個老闆好好人, 打電話問佢時都好細心咁講解點用蠔刀開蠔, 仲怕我地心急開蠔整親手, 不停叮囑我地要沿邊慢慢開~ 佢地既服務真係几好~至於d 食物真係好正, 自己動手即開生蠔仲見到隻蠔d 裙邊會動架~ 真係第一次見呀, 平時係酒店食都未見過~~ 果然即開即食新鮮好多呀~~ 而味道真係好有海水鮮味~ 而且新鮮到令你食得出不同品種既蠔味架~ 仲有日本珍寶帶子真係好大隻同好鮮味呀~~ 翡翠螺令我有d surprise, 估唔到會咁好食, 平時係餐廳食根本食唔出鮮味既, 估唔到佢仲保留到螺既鮮味喎~~ yummy~還要推介野生三文魚呀~~ 同出面食開的不三文魚不同, 原來野生三文魚d 味係咁特別架~ 未試過既真係要試試~h