大公雞 (已結業)

鍾意周圍食野的我，今日就搵到間位於葵興港鐵站對面，Life@KCC 1樓的台灣麵店《大公雞》。餐廳裝修簡潔，木枱椅，主食有台式飯類、湯麵、撈麵、手工水餃、台式咖哩等，價錢由$4x至$6x，配熱飲免費，另有多種士林小食及台式冷熱飲品。麻辣三寶手工麵（大腸牛筋牛腩）湯底帶有少許花椒的麻香，辣味唔重，牛腩係牛展，筋肉分明，牛展入口軟腍入味，牛筋軟滑富膠原蛋白，大腸乾淨肥美。皮蛋肉鬆豆腐冰涼涼的豆腐，加入皮蛋，上面淋滿芝麻醬，加上台灣肉鬆，感覺非常特別，濃香芝麻滑溜豆，又好清爽。奶蓋朱古力（特飲）奶蓋軟綿，朱古力順滑，味唔會太濃，甜度適中。