一風堂 (香港逸東酒店) (已結業)

今次一風堂嘅期間限定又俾到驚喜我。和牛應該冇人不愛，呢一碗大判和牛清湯拉麵，除咗有香濃嘅和牛清湯配中太麵之外，仲有嚟自澳洲嘅M6-7慢煮和牛一大片，肉汁豐富，質地鮮嫩，而且帶和牛脂香。配料有露筍、火箭菜同粟米筍等。而且仲可以落啲檸檬汁入去增加清新嘅口感。同步推出嘅卵．和牛味噌鐵板餃子最啱配搭依個拉麵。由澳洲和牛味噌同餃子係熱辣辣嘅鐵板上邊，香噴噴，加入蛋漿一齊食，同時感受和牛脂香同蛋香，外脆內軟又惹味。