影片
更多
2018-07-13
65 瀏覽
同阿爸行緊男人的浪漫鴨寮街，突然落大雨，快快走入餐廳食野兼避雨啦，見有間點心舖，飲下夜茶又好喎。七點多黎到，全店滿座，坐了在最內邊的四人枱，兩個人坐幾濶落用點心紙下單，好肚餓，一口氣點六樣野，會唔會誇張左啲？茗茶（$5/ea）黎飲夜茶，就梗係要開壺茶啦，要左鐵觀音，茶味幾香。小店還提供奶茶咖啡等，有冷熱供應。XO醬炒蘿蔔糕（$33）見好多人點呢樣，我地又試下先。XO醬辣辣地好惹味，蘿蔔糕有蘿蔔絲又有臘味，幾好味喎。韓式辣醬炒腸粉（$33）煎腸粉就食得多，試下韓式先，食落有啲似韓式炒年糕咁，甜辣醬味，腸粉嫩滑，好味喎。百里香小籠包（$24）小籠包就差啲了，蒸得太耐無乜肉汁，個皮亦有點硬。乾脆叉燒包（$22）好得意喎，蒸好嘅叉燒包再焗一焗，麵包面變得香脆，要襯熱食，涼左會有點乾。煎蛋牛肉飯（$26）叫左一個飯share食，個餸同飯係分開上㗎，方便配上不同款式。牛肉軟腍，入面有芫荽同馬碲，又香又有口感。加上半熟煎蛋，啲蛋汁撈飯勁正。飯放在荷葉上蒸，另飯帶點荷葉香，而且咁樣蒸係粒粒米，最怕茶樓盅頭飯糊哂咁，呢度個飯正，好味又大籠，好飽肚蟹子燒賣（$16）最後仲有燒賣，飲茶一盅兩件點少得呢樣，瘦
七點多黎到，全店滿座，坐了在最內邊的四人枱，兩個人坐幾濶落
用點心紙下單，好肚餓，一口氣點六樣野，會唔會誇張左啲？
茗茶（$5/ea）黎飲夜茶，就梗係要開壺茶啦，要左鐵觀音，茶味幾香。小店還提供奶茶咖啡等，有冷熱供應。
XO醬炒蘿蔔糕（$33）見好多人點呢樣，我地又試下先。XO醬辣辣地好惹味，蘿蔔糕有蘿蔔絲又有臘味，幾好味喎。
韓式辣醬炒腸粉（$33）煎腸粉就食得多，試下韓式先，食落有啲似韓式炒年糕咁，甜辣醬味，腸粉嫩滑，好味喎。
百里香小籠包（$24）小籠包就差啲了，蒸得太耐無乜肉汁，個皮亦有點硬。
乾脆叉燒包（$22）好得意喎，蒸好嘅叉燒包再焗一焗，麵包面變得香脆，要襯熱食，涼左會有點乾。
煎蛋牛肉飯（$26）叫左一個飯share食，個餸同飯係分開上㗎，方便配上不同款式。牛肉軟腍，入面有芫荽同馬碲，又香又有口感。加上半熟煎蛋，啲蛋汁撈飯勁正。
飯放在荷葉上蒸，另飯帶點荷葉香，而且咁樣蒸係粒粒米，最怕茶樓盅頭飯糊哂咁，呢度個飯正，好味又大籠，好飽肚
蟹子燒賣（$16）最後仲有燒賣，飲茶一盅兩件點少得呢樣，瘦肉肥肉比例剛好，啖啖肉好味。
小店只有兩個人，樓面要收銀，落單，收碟，出餐，加茶，沖飲品等，忙得不可開交，見到都辛苦，小店加油，撐！
張貼
