妹記大排檔

營業中

休息中

好幾年無幫襯尖沙咀妹記，試試旺角分店先。菜色都係大同小異。望夠菜牌可以點菜。藍妹，戰鬥碗同您死過！炸墨魚咀，高質吸引，香口爽脆索索聲，墨魚味甜美多汁，乾身點更好！鬼馬油炸鬼，墨魚膠無味，外層炸透法包皮，no good！薑蔥炒蟹，全無鑊氣可言，您地係用電磁爐炒？暖暖地，薑蔥還薑蔥、蟹還蟹，完全無融合一齊，薑蔥汁撈蟹，蟹夠新鮮肉彈但蟹味淡，整體一般。避風塘炒蟹，質素好過薑蔥少少，夠熱但無鑊氣。難怪不用 5 分鐘兩碟蟹送到，有做定之厭！蟹肉夠鮮彈但蟹味淡，比薑蔥炒蟹甜，炸蒜辣椒夠惹味香辣，味道唔錯。豉椒炒蟶子，依舊無鑊氣，豉椒撈蟶子罷了，好采蟶子都夠爽甜，煮多兩秒就過熟喇！炸豬手配泰式雞醬，預期之內麻麻地，我諗切片點醋當燻蹄食會好味好多！咸魚茸飛天通菜，比起剛才兩碟蟹同蟶子，依個菜最好食最有鑊氣，蝦醬鮮濃，通菜爽嫩多汁！炸大腸，都好食既，外脆內嫩無過咸，沾上甜酸汁點綴一下，醒神醒胃。雞蛋焗魚腸，熱辣辣但蛋香不足，味啖微腥帶泥味，凍左直頭入唔到口，連飯都費事叫黎撈喇。洒上大量胡椒粉鋪面都無補於事，勁腥食唔到。黃金蝦，暖暖地唔夠熱，蝦肉霉，海蝦細，一般。