割烹 櫓杏 (iSQUARE國際廣場)

營業中

休息中

之前就聽同事講呢間日本餐嘅晚餐set好好食而且好抵食，今日就忍唔住嚟試吓啦～果然冇錯，每一樣都美味無比，真係食過返尋味啊～晚餐set其實有超過5樣菜色，不過以下幾樣真係要重點講吓。🍲火山鍋紋理超靚嘅豬五花肉 渴鋪喺上面，連下面嘅食材都睇唔到，真係好足料啊！豬肉片肉香四溢，食落肥而不膩。再配搭上燉得軟腍嘅白菜，仲有各種菌菇包括冬菇、雞髀菇、金針菇等，各種材料嘅精華都已經熬煮出嚟，唔誇張，我淨係飲湯都已經好滿足！🍣熊本天草鮮魚壽司三件三件鮮魚壽司都好鮮美，鮮美度同油脂度啱啱好！入口仲可以感受到絲滑嘅口感仲有油脂帶嚟嘅甘甜味道~拖羅入口即溶，配上少少醬油味道更加鮮香！🥚黑松露茶碗蒸蒸蛋入口滑溜，口感幼細，喺茶杯入面蒸煮更加提升整體嘅鮮度上面仲放咗啲黑松露，醇厚嘅香味令普通嘅蒸蛋都變得唔普通。🍨柚子雪芭最後嘅收尾就係呢道柚子雪芭，口感輕盈又帶住清爽嘅柚子甜味，即冇雪糕嘅厚重感，又可以好好咁解膩念。