影片
更多
2019-01-29
1217 瀏覽
今日朋友係中環話想食日本野，剛好記得威靈頓街有間“大吉” ，我哋就行過去睇下有冇位。可能時間尚早，去到未開始多人，本來諗住可以大擦一餐食放題，但原來大吉冇咗放題，佢已經轉咗為日式居酒屋。 既然嚟到，唔緊要啦照食試下佢轉營後表現如何先。日本餐廳依舊係日式裝備，背景音樂主要為日本，英文，仲有我好耐冇聽過的酒井法子歌，主打柔和。職員有禮效率高，好快遞上餐牌，上綠茶及介紹是日精選俾我哋，仲話啤酒，紅白酒今日買一送一，平均二十幾蚊一杯啤酒，睇落幾抵咁，但可惜今日嗰位朋友唔鐘意飲酒，所以唯有下次啦～今次我哋叫咗個招牌《海膽三重奏杯》，壽司拼盤同一盤刺身。《海膽三重奏杯》好似一個塔咁，外型咁特別，新鮮海膽比較軟身，要砌到好似塔咁高，仲放得上隻甜蝦係上面，應該都幾考功夫；餐牌上寫住話海膽三重奏杯係由海膽，牡丹蝦及三文魚籽造成，但我覺得應該唔至咁簡單，應該仲有其他秘製材料加咗落去所以咁鮮甜美味。。。上海膽同時餐廳配埋紫菜， wasabi，青瓜絲，等我哋可以包住個海膽黎食，十分細心，唔夠待應仲會refill畀我哋。壽司拼盤有8款壽司，由三文魚，吞拿魚，北寄貝，甜蝦等，海鮮新鮮，配埋飯糰十分美味（我走嗰時先
日本餐廳依舊係日式裝備，背景音樂主要為日本，英文，仲有我好耐冇聽過的酒井法子歌，主打柔和。職員有禮效率高，好快遞上餐牌，上綠茶及介紹是日精選俾我哋，仲話啤酒，紅白酒今日買一送一，平均二十幾蚊一杯啤酒，睇落幾抵咁，但可惜今日嗰位朋友唔鐘意飲酒，所以唯有下次啦～
今次我哋叫咗個招牌《海膽三重奏杯》，壽司拼盤同一盤刺身。
《海膽三重奏杯》好似一個塔咁，外型咁特別，新鮮海膽比較軟身，要砌到好似塔咁高，仲放得上隻甜蝦係上面，應該都幾考功夫；餐牌上寫住話海膽三重奏杯係由海膽，牡丹蝦及三文魚籽造成，但我覺得應該唔至咁簡單，應該仲有其他秘製材料加咗落去所以咁鮮甜美味。。。上海膽同時餐廳配埋紫菜， wasabi，青瓜絲，等我哋可以包住個海膽黎食，十分細心，唔夠待應仲會refill畀我哋。
壽司拼盤有8款壽司，由三文魚，吞拿魚，北寄貝，甜蝦等，海鮮新鮮，配埋飯糰十分美味（我走嗰時先留意到，原來啲米係日本原產，唔怪得知食落有啲唔同啦）。
刺身有6款海鮮，樣樣都咁新鮮，厚切，咬落去有口感，又唔乾身，我估應該係即叫即切唔會好似某大型連所食店咁切定俾客。
總結，呢個地方食下刺身，同朋友摸下杯底都係個唔錯的選擇，等我下次同其他朋友再黎過先。
張貼
