Romanne Leisure Food Concept (已結業)

星期四去左食晚餐，有set dinner揀，都幾抵食，套餐包餐湯/ 蒜蓉法包/ 沙律同埋普通餐飲。我叫左意粉。套餐係幾抵食，侍應都話好多人叫set dinner。不過假期好似冇嘅。。佢個餐湯幾好飲，係南瓜湯， 飲得出係用新鮮南瓜打溶，唔係開粉嘅湯。個湯好creamy好好味。蒜蓉包正常😋沙律分量都幾大，鋪滿咗一隻圓碟。菜好乾淨爽脆， 加咗少量嘅沙律醬，唔會太肥。另外再散叫左個漢堡包。個漢堡包真係幾好食。首先，面包熱辣辣冇攤凍到先拎出嚟。有一塊大啡菇加一塊牛肉，兩樣野都好juicy，好夾。中間夾住芝士，底層嘅蔬菜有生菜，洋蔥同蕃茄加沙律醬。蔬菜新鮮爽脆，好fresh。面包皮係麥包，令到成件事健康左😜 配菜薯條係粗身多薯蓉嘅，我like!