華輝小食 (已搬遷) 新店位置

之前已經好想試呢間嘅手撕雞腸粉啊雖然係gimmick, 始終都要試一次嘅。真係估唔到連外賣，都有呢啲咁嘅牌仔。當你嘅order已經預備好，個牌就會着燈同埋震動。就好似你去food Court食嘢咁， 提醒你要返去自取食物啦。講返個腸粉先，坦白講係唔夠深水埗合益嘅豬油腸粉咁好食，冇咁滑身。雞肉尚算幼嫩。麻醬好香芝麻味，但係可惜太多油。食到最後，好多油積聚喺個發泡膠外賣盒嘅底部。$30一份，貴唔貴就見仁見智。不過是一次就夠。