風車

營業中

休息中

同朋友係大圍行街，想食個下午茶，就入左呢間比較隱世的小店，店名叫風車都幾特別。裝修以黑色為主，多用鏡於牆身，另小店比較細小空間增加空間感。而確實另我地感覺坐落比想像中舒服。試左呢個日式照燒雞扒脆豬（$79），我自己幾鍾意佢用左脆豬而唔係普通麵包，比起普通麵包口感更佳，而雞扒超級juicy，鮮嫩多汁。配搭埋番茄等等蔬菜更加可以解膩。飲品叫左焦糖咖啡，咖啡唔會太甜，但咖啡香味比較欠奉，不過不失。朋友就叫左焗豬扒飯（$70），豬扒飯落左超多的芝士係面，比起某連鎖店真係大滿足，豬排都好捻，用左新鮮番茄🍅整體不錯。飲品就飲熱水果茶，係一個好香桃味的紅茶，真係超級香，全餐最有驚喜係呢個桃茶，佢都念念不忘。