風車

營業中

休息中

呢間位於大圍火車站附近嘅西式餐廳，裝修幾有氣氛，環境昏暗，好似有酒吧嘅感覺午餐嘅set有好多選擇，淨係包類就已經有幾款，如果係扒類，仲可以選擇配白飯意粉或者薯菜，啱晒啲無飯不歡嘅朋友。呢個流藍芝士牛肉漢堡，味道唔錯，上下層麵包谷到脆卜卜，但係塊牛肉就份量有啲細，藍芝士嘅部份就更加少。另外仲叫咗吉列豬扒意粉，豬扒外層嘅咋皮做得幾好，好鬆脆唔會硬，但係份量就比較少。蘑菇湯非常之真材實料，仲食到一粒粒嘅蘑菇係入面，質感唔似湯，似一碗蘑菇粥。