影片
更多
2020-05-08
1825 瀏覽
呢日放工黎到大圍都8點幾，搵下有咩好食，見到呢間評價都唔錯，行過嚟睇吓個餐牌都好似幾啱食，所以就入咗去。原來係間西餐廳加酒吧，有幾台客食緊野有幾台客飲緊酒。平日夜晚八點幾，食到九點幾埋單都仲有客入緊嚟。坐得幾舒服好啱同朋友傾偈。酒吧來講都幾多主菜同埋小食，我哋兩個人唔係好肚餓所以就淨係叫咗兩個主菜加一個小食。1️⃣白酒煮蜆配蒜蓉包$89真心呢個推介，啲蜆都算幾大隻，仲要粒粒都有顯肉，唔似其他餐廳有機會得返啲殼，而且洗得好乾淨，冇食到沙。個味道都唔錯，好似忌廉汁咁，幾creamy!!😋啱我口味！白酒煮蜆，仲配埋個蒜蓉包，都好香脆熱辣辣，好夠蒜蓉味，仲可以將個包點落啲白汁到食，仲正！2️⃣紐西蘭肉眼扒配焦糖菠蘿$199 一上菜，嘩，好大塊！首先講吓主角，塊牛扒都幾嫩滑，我哋叫咗七成，真係啱啱好唔會太熟。佢嘅配菜都好正，尤其是個焦糖菠蘿面頭真係會有一層焦糖，少少燶燶哋焦香，好Juicy！3️⃣法式燴羊膝$199又係超大份，我同朋友兩個女仔都食到好飽🤤🤤我好似第一次食羊膝，羊肉唔會好蘇，切開真係啖啖肉，同埋啲燒汁都幾入味。仲有啲配菜，車厘茄蘆筍，薯蓉，所以一定夠食。佢嘅酒精類飲品選擇好多，不過因為聽日返工
原來係間西餐廳加酒吧，有幾台客食緊野有幾台客飲緊酒。平日夜晚八點幾，食到九點幾埋單都仲有客入緊嚟。
坐得幾舒服好啱同朋友傾偈。
酒吧來講都幾多主菜同埋小食，我哋兩個人唔係好肚餓所以就淨係叫咗兩個主菜加一個小食。
1️⃣白酒煮蜆配蒜蓉包$89
真心呢個推介，啲蜆都算幾大隻，仲要粒粒都有顯肉，唔似其他餐廳有機會得返啲殼，而且洗得好乾淨，冇食到沙。個味道都唔錯，好似忌廉汁咁，幾creamy!!😋啱我口味！
白酒煮蜆，仲配埋個蒜蓉包，都好香脆熱辣辣，好夠蒜蓉味，仲可以將個包點落啲白汁到食，仲正！
2️⃣紐西蘭肉眼扒配焦糖菠蘿$199
一上菜，嘩，好大塊！首先講吓主角，塊牛扒都幾嫩滑，我哋叫咗七成，真係啱啱好唔會太熟。佢嘅配菜都好正，尤其是個焦糖菠蘿面頭真係會有一層焦糖，少少燶燶哋焦香，好Juicy！
3️⃣法式燴羊膝$199
又係超大份，我同朋友兩個女仔都食到好飽🤤🤤
我好似第一次食羊膝，羊肉唔會好蘇，切開真係啖啖肉，同埋啲燒汁都幾入味。仲有啲配菜，車厘茄蘆筍，薯蓉，所以一定夠食。
佢嘅酒精類飲品選擇好多，不過因為聽日返工所以就唔飲酒啦，你間酒吧淨係食主菜都唔錯下次先來再飲酒🍻
走嘅時候發現，午餐時段有優惠，又可以比多個原因下次再嚟食🤣🤣
張貼
