影片
更多
2024-08-25
3259 瀏覽
夏天最啱就係行商場涼冷氣，呢日就嚟咗大圍開幕咗一年嘅車站上蓋商場行街，行完就搵咗呢間韓式燒烤店食晚飯😚棉花糖壽喜燒三筋肉配肩芯肉見到隔離檯叫咗呢個咁有特色嘅菜式就叫咗嚟打吓卡啦，一大個棉花糖放喺個鍋上面🍬店員會俾時間大家打晒卡再開始料理，先將壽喜燒汁倒落去鍋入面，然後就煮肩芯肉同三筋肉🥩 因為每片肉都好大塊，店員煮完會幫手剪開，方便點蛋汁🥚 牛肉配上蛋汁令到肉質更加嫩滑，雖然一開始有好大嚿棉花糖，但係食落唔會勁甜，同其他壽喜燒汁嘅甜度差唔多🤨 呢個菜式真係集美味同打卡於一身啊😎和牛牛舌盛合呢碟有牛舌同埋和牛，當中比較厚嘅牛舌仲有𠝹花，方便我哋燒熟同燒得更靚👅 另外，和牛幾有油花，而且肉味香濃🐮慶州黑毛豬盛合配生菜呢碟豬肉有豬梅肉、豬五花、豬皮同豬腸，豬梅肉有一大塊，燒熟剪開就可以同朋友開心share😝 豬皮本身係熟咗嘅，所以輕輕燒返熱就可以食啦，如果太膩可以包生菜食用🥬拉絲芝士雞肉呢度嘅雞肉選用咗雞腿肉，燒香完仲好juicy🐥 燒溶咗啲芝士，再將雞肉點落去轉一圈就有拉絲嘅效果，呢碟真係夠晒邪惡啊🧀飲品特別揀咗梳打令到呢餐感覺light啲，青瓜青檸梳打同菠蘿梳打飲落都唔會太甜🍍 個人覺得
夏天最啱就係行商場涼冷氣，呢日就嚟咗大圍開幕咗一年嘅車站上蓋商場行街，行完就搵咗呢間韓式燒烤店食晚飯😚
棉花糖壽喜燒三筋肉配肩芯肉
見到隔離檯叫咗呢個咁有特色嘅菜式就叫咗嚟打吓卡啦，一大個棉花糖放喺個鍋上面🍬店員會俾時間大家打晒卡再開始料理，先將壽喜燒汁倒落去鍋入面，然後就煮肩芯肉同三筋肉🥩 因為每片肉都好大塊，店員煮完會幫手剪開，方便點蛋汁🥚 牛肉配上蛋汁令到肉質更加嫩滑，雖然一開始有好大嚿棉花糖，但係食落唔會勁甜，同其他壽喜燒汁嘅甜度差唔多🤨 呢個菜式真係集美味同打卡於一身啊😎
和牛牛舌盛合
呢碟有牛舌同埋和牛，當中比較厚嘅牛舌仲有𠝹花，方便我哋燒熟同燒得更靚👅 另外，和牛幾有油花，而且肉味香濃🐮
慶州黑毛豬盛合配生菜
呢碟豬肉有豬梅肉、豬五花、豬皮同豬腸，豬梅肉有一大塊，燒熟剪開就可以同朋友開心share😝 豬皮本身係熟咗嘅，所以輕輕燒返熱就可以食啦，如果太膩可以包生菜食用🥬
拉絲芝士雞肉
呢度嘅雞肉選用咗雞腿肉，燒香完仲好juicy🐥 燒溶咗啲芝士，再將雞肉點落去轉一圈就有拉絲嘅效果，呢碟真係夠晒邪惡啊🧀
飲品
特別揀咗梳打令到呢餐感覺light啲，青瓜青檸梳打同菠蘿梳打飲落都唔會太甜🍍 個人覺得青瓜青檸梳打呢個新產品幾Fresh，同呢一餐燒肉好夾🥒
呢餐韓式燒肉真係幾唔錯，特別係壽喜燒真係勁有儀式感，其他肉類質素都唔錯🫢 餐廳嘅環境都好舒服，難怪咁多人幫襯啦🤣
張貼
