Nomad Burger (海福商場) (已結業)

見網上啲人話，呢一間餐廳係大圍最好食嘅漢堡包。於是就過嚟試吓，佢個舖頭嘅位置，都比較偏僻，行咗幾次，終於搵到。佢個餐牌有少少複雜，但係佢會有一張紙仔，同埋原子筆，俾你點餐。所以點餐方面可以，去到間舖頭，出邊已經好多人等，而且佢入邊嘅外賣單都爆曬，所以我快快手點完，之後就出咗去行街半個鐘頭後，返嚟就有得拎。佢個漢堡包個包係幾特別，從來未喺香港漢堡包店食過，佢入邊嘅漢堡扒都比較多汁，有牛味。而且入邊嘅醬汁可以自行選擇你鍾意食嘅醬汁，係比較貼心嘅。我另外加咗兩隻雞翼，佢哋嘅雞翼都比較細，但係因為即刻炸嘅關係，比較好食同埋都想鎖住到啲肉汁