影片
更多
2024-08-09
6520 瀏覽
真實自費食評今次係第二次食大圍呢間分店，而元朗分店都食過兩次，但大圍分店質素好似真係有啲下滑。今次係訂到8:15pm既時段，店員都知道天氣比較熱，喺8:00pm就已經可以俾客人入去涼下冷氣，至少老人家唔洗好熱咁喺門口等。店員都好好咁問飲咩茶，亦都會問你有啲菜得返一個限額問你要唔要，但因為唔適合所以無要到，但因為知道啲菜式賣哂就可能無，所以落一兩樣先，但呢到啲店員有啲係你未講完佢就轉身走左，所以會諗究竟佢有無同你落到單。呢樣希望佢地可以改進下。今次都叫左唔少菜式，因為多人食可以試多啲。第一叉 $188之前食既時候係叫勾魂叉，底鋪左脆米，又會喺面上搽菠蘿醬再用火鎗喺面到燒一燒。但依家只係好普通咁上菜，但就可能少左佢地想推薦呢個喺屬於佢地signature既賣點。叉燒係好厚切既，雖然舊數比較少，但其實覺得厚再切半都好夠食，都係肥叉既質素，所以好適合食肥叉既人試呢個菜。一口金磚 $78以為個名係豆腐，但食落原來係蘿蔔糕，都幾有驚喜嘅係因為佢個外皮係用鹹蛋黃去炸，所以食落好香口，呢個菜式都好飽肚。鮮山葵海蜇頭 $128因為好鍾意食海蜇頭既關係，呢個菜係我每次黎都必點既，而且配山葵少少辣辣地係一個
今次係第二次食大圍呢間分店，而元朗分店都食過兩次，但大圍分店質素好似真係有啲下滑。
今次係訂到8:15pm既時段，店員都知道天氣比較熱，喺8:00pm就已經可以俾客人入去涼下冷氣，至少老人家唔洗好熱咁喺門口等。
店員都好好咁問飲咩茶，亦都會問你有啲菜得返一個限額問你要唔要，但因為唔適合所以無要到，但因為知道啲菜式賣哂就可能無，所以落一兩樣先，但呢到啲店員有啲係你未講完佢就轉身走左，所以會諗究竟佢有無同你落到單。呢樣希望佢地可以改進下。
今次都叫左唔少菜式，因為多人食可以試多啲。
第一叉
$188
530 瀏覽
0 讚好
0 留言
第一叉 $188
之前食既時候係叫勾魂叉，底鋪左脆米，又會喺面上搽菠蘿醬再用火鎗喺面到燒一燒。
但依家只係好普通咁上菜，但就可能少左佢地想推薦呢個喺屬於佢地signature既賣點。
叉燒係好厚切既，雖然舊數比較少，但其實覺得厚再切半都好夠食，都係肥叉既質素，所以好適合食肥叉既人試呢個菜。
一口金磚
$78
470 瀏覽
0 讚好
0 留言
一口金磚 $78
以為個名係豆腐，但食落原來係蘿蔔糕，都幾有驚喜嘅係因為佢個外皮係用鹹蛋黃去炸，所以食落好香口，呢個菜式都好飽肚。
鮮山葵海蜇頭
$128
1211 瀏覽
0 讚好
0 留言
鮮山葵海蜇頭 $128
因為好鍾意食海蜇頭既關係，呢個菜係我每次黎都必點既，而且配山葵少少辣辣地係一個好開胃既菜式。
脆皮黑鬃鵝
$168
1435 瀏覽
0 讚好
0 留言
脆皮黑鬃鵝 $168
其實係燒鵝，唔係太多肉但個外皮都有少少脆口
一缽魚腸
$168
584 瀏覽
0 讚好
0 留言
一缽魚腸 $168
個蛋會比較實，魚腸都算多，一定要配胡椒粉食，因為係會有少少腥。
冰梅咸檸骨
$208
434 瀏覽
1 讚好
0 留言
冰梅咸檸骨 $208
個外皮唔會炸得好勁，係半肥肉，但會有根未必咬得開，個咸檸骨汗都較得好岩味。
豬油炒飯
$158
550 瀏覽
0 讚好
0 留言
豬油炒飯 $158
可以講既係飯粒粒分明唔會痴埋一堆。
砂鍋蝦頭膏炒飯
$228
399 瀏覽
0 讚好
0 留言
一黎到店員會打開個蓋再幫手兜兩下，黎既時候好香，不過食落無乜蝦既味。
本身店俾左少少菜單可以早幾日訂菜式，黑鬃鵝喺菜單裡面可以揀，仲有全隻半隻例牌去選擇，但當同店員預訂嘅時候，話一定要訂半隻。但我喺張可以訂既菜單又見唔到咁寫，咁就問店員點解一定要訂半隻，但店員突然又話唔洗訂半隻，話到時嚟到仲有例牌就可以要。咁其實早啲比客訂，但又冇寫到明要定半隻起，其實被店員搞到好混亂。希望佢地可以跟進下呢啲情況式或update下啲俾人早啲訂既菜式。
整體黎講，我覺得元朗分店係出色啲，因為試過元朗既晚飯同飲茶，元朗分店既店員都會推薦啲合式既菜式，同埋元朗店既店員好似親近啲，呢間好似同啲人講野無乜反應咁。
而價錢，如果呢啲份量既話係真係略貴，亦都因為佢係列入米芝蓮推介餐廳，但其實質素只係可以話OK，未去到有一啲菜式真係好超級特別推介。
如果仍然想列入為米芝蓮推薦餐廳，需要再用心一點。
張貼
