更多
2024-06-29
889 瀏覽
接續上文,我哋兩公婆加埋表哥3人行由美孚經馬騮山行到嚟大圍,喺預定時間之內到達咗紅梅谷燒烤場,再慢慢行落去大圍。咁途經隆亨邨就走入去搵下有咩食,剛好有家「福盈酒家」,飲茶食點心就最襟坐。開得喺隆亨邨裡面,就知道喺一間街坊酒樓,內裡地方都幾大,裝修都喺好傳統嗰一款,目測所見超過八成都喺上年紀嘅,明顯就喺主要做街坊生意,相信區外客無乜。今次好hea,點心紙都無影,連啲食物相都喺求求其其搵手機影。午市優惠孖寶 $53通常啲街坊酒家就好興啲乜寶物寶, 所以,揀咗個孖寶,計返散點都只喺三五七蚊。先介紹過香煎虎皮椒,3大隻長青椒,煎得都幾靚,而且,已經一開二,方便我哋食,咁啱我哋3個人 可以一人一隻。隻青椒都幾辣吓,但喺煎得幾香口,中間釀滿魚肉,亦都好彈牙。碟潮式韭菜餃又喺一客3件,啱啱夠分,如果4個人嚟 就真喺有啲難搞。外皮都夠薄,睇外觀已經透到少少裡面嘅韭菜餡,而餃底煎得非常香脆,咬落外皮又唔黏牙,滿滿韭菜香,是日最好食嘅點心就喺佢。鮮蝦菜苗餃 $29同樣都係餃,但嗌呢個真喺盞搞,其實外觀都OK嘅,味道方面亦都OK嘅,不過,一夾已經好撈搞,外皮黐住蒸籠裡面張花餅紙,一夾就爛晒,再入口,外皮好削
通常啲街坊酒家就好興啲乜寶物寶, 所以,揀咗個孖寶,計返散點都只喺三五七蚊。先介紹過香煎虎皮椒,3大隻長青椒,煎得都幾靚,而且,已經一開二,方便我哋食,咁啱我哋3個人 可以一人一隻。隻青椒都幾辣吓,但喺煎得幾香口,中間釀滿魚肉,亦都好彈牙。
同樣都係餃,但嗌呢個真喺盞搞,其實外觀都OK嘅,味道方面亦都OK嘅,不過,一夾已經好撈搞,外皮黐住蒸籠裡面張花餅紙,一夾就爛晒,再入口,外皮好削,完全無煙韌感,而且,好黏牙。
碟叉腸又喺令人有少少失望,雖然腸粉皮好薄好透,但入口口感好削,啲叉燒無乜味,亦都唔鬆化,總之,整體感覺就喺麻麻哋。
張貼